U Kijeŭskaj vobłaści «kadyraŭcy» zachapili psichanieŭrałahičny internat
Čačenskija vajskoŭcy rasijskaha vojska zachapili psichanieŭrałahičny internat u Baradziancy Kijeŭskaj vobłaści, zajaviła ŭpaŭnavažanaja Viarchoŭnaj Rady Ukrainy pa pravach čałavieka Ludmiła Dzianisava sa spasyłkaj na Ministerstva sacyjalnaj palityki.
U internacie, pavodle Dzianisavaj, znachodziacca 600 pacyjentaŭ ‒ asob z ustojlivymi intelektualnymi abo psichičnymi parušeńniami, jakija patrabujuć pastajannaha dohladu i lačeńnia.
Dzianisava paviedamiła, što infarmacyja paćvierdžana Minsacpalityki Ukrainy: ab fakcie zachopu paśpieła paviedamić kiraŭnictva internata. Zaraz suviaź ź im adsutničaje.
«Pavodle najaŭnaj infarmacyi ad žycharoŭ horada vojski ahresara zaminiravali ŭsie padychody da internata. Prykryvajučysia padapiečnymi i piersanałam ustanovy, adtul viaduć artyleryjski ahoń pa pazicyjach ukrainskaj armii», ‒ piša Dzianisava.
Upaŭnavažanaja Viarchoŭnaj Rady Ukrainy pa pravach čałavieka źviarnułasia da Mižnarodnaha Čyrvonaha Kryža sadziejničać stvareńniu humanitarnaha kalidora dla vyvadu pacyjentaŭ i piersanału ŭstanovy z-pad ahniu.
«Prašu krainy-členy NATA začynicie nieba nad Ukrainaj!» ‒ skončyła jana dopis.
Kamientary