Sustreča Dźmitryja Kuleby i Siarhieja Łaŭrova pry pasiarednictvie tureckaha boku skončyłasia biezvynikova
Sustreča ministraŭ zamiežnych spraŭ dźviuch krain doŭžyłasia kala hadziny z pałovaj.
Kuleba zajaviŭ, što pieramovy byli składanyja. Jon skazaŭ, što abmiarkoŭvalisia pytańni humanitarnaha kalidora z Maryupala. Ale Łaŭroŭ adkazaŭ, što jon pieradaść hetuju prapanovu «adkaznym asobam».
Baki nie zmahli dasiahnuć rašeńnia pa spynieńni ahniu.
Što zajavili kiraŭniki MZS Rasii i Ukrainy paśla pieramoŭ
Siarhiej Łaŭroŭ:
Rasija nie napadała na Ukrainu. I na inšyja krainy napadać nie źbirajecca.
Ukraina płanavała napad na DNR i ŁNR užo ŭ sakaviku.
Radzilny dom u Maryupali, jaki byŭ razbombleny, byŭ bazaj bataljona «Azoŭ».
Z ekanamičnymi prablemami Rasija sama raźbiarecca.
Dźmitryj Kuleba:
Damovicca ab spynieńni ahniu nie ŭdałosia. Kijeŭ nie maje namieru vykonvać patrabavańni Rasii.
Kijeŭ hatovy da dypłamatyčnych rašeńniaŭ kanfliktu, ale pakul ich niama.
Ukraina nie źbirajecca raspracoŭvać jadziernuju zbroju.
Ciapier u Antalji prachodzić trochbakovaja sustreča ministraŭ pry ŭdziele kiraŭnika MZS Turcyi Miechmieta Čavušahłu.
Ciapier čytajuć
Maryna Adamovič apublikavała novyja FOTY Mikoły Statkieviča1
Kamientary