Chirurha Andreja Lubieckaha abvinavačvajuć pa čatyroch artykułach
Chirurh Andrej Lubiecki abvinavačvajecca ŭ aktyŭnym udziele ŭ hrupavych dziejańniach, jakija hruba parušajuć hramadski paradak (č. 1 art. 342 KK), naŭmysnych dziejańniach, nakiravanych na raspalvańnie varožaści (č. 1 art. 130 KK), abrazie pradstaŭnika ŭłady (art. 369 KK) i abrazie prezidenta (č. 1, 2 art. 368 KK).
Pa źviestkach śledstva, Lubiecki na praciahu niekalkich miesiacaŭ raźmiaščaŭ na svajoj staroncy ŭ sacsietcy infarmacyju, «jakaja pa svaim źmieście była naŭmysna nakiravanaja na raspalvańnie sacyjalnaj varožaści i varožaści pa prykmiecie prafiesijnaj prynaležnaści, jakaja tyčycca supracoŭnikaŭ pravaachoŭnych orhanaŭ, dziaržaŭnych słužačych, pradstaŭnikoŭ ułady i hramadskaści», piša reform.by.
«Važna adznačyć, što jašče budučy miedycynskim rabotnikam jon nieadnarazova publična vykazvaŭsia ab pryniatym rašeńni parušyć dadzienuju im miedycynskuju klatvu, asnovatvornyja maralna-etyčnyja pryncypy pavodzin urača i ŭsialak pieraškadžać akazańniu miedycynskaj dapamohi supracoŭnikam milicyi i členam ich siemjaŭ, zaklikaŭ svaich kalehaŭ da padobnych supraćpraŭnych dziejańniaŭ. Z metaj realizacyi zadumanaha fihurant prymaŭ miery pa zbory piersanalnych danych nazvanaj hrupy hramadzian», — paviedamlaje Śledčy kamitet.
SK taksama zajaŭlaje, što Lubiecki abražaŭ Łukašenku i supracoŭnikaŭ pravaachoŭnych orhanaŭ na svajoj staroncy ŭ sacsietcy, a taksama nie mienš za vosiem razoŭ udzielničaŭ u pratestach, dzie «doŭha i ŭparta parušaŭ hramadski spakoj i błakavaŭ šlachi transpartnych kamunikacyj».
Skivična-tvaravy chirurh Andrej Lubiecki byŭ zatrymany ŭ krasaviku 2021 hoda.
Čytajcie taksama:
«Ščaślivy, što žoncy ŭdałosia źjechać. A ja vytrymaju». Chirurh Andrej Lubiecki daŭ intervju ź SIZA
Ciapier čytajuć
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie63
Kamientary