Padbity ŭkraincami krejsier «Maskva» patanuŭ. Što heta značyć dla bajazdolnaści rasijskaj armii?
Stratu krejsiera «Maskva» paśla sutak ekivokaŭ aficyjna pryznała rasijskaje Ministerstva abarony. Heta samaja značnaja strata rasijskaha fłota padčas vajny z Ukrainaj.
«Pry buksiravańni krejsiera «Maskva» ŭ port pryznačeńnia z-za paškodžańniaŭ korpusa, atrymanych u chodzie pažaru ad detanacyi bojezapasu, karabiel straciŭ ustojlivaść. Va ŭmovach štarmavoha chvalavańnia mora karabiel zatanuŭ», — zajaviła Minabarony Rasii.
Minułaj nočču fłahman Čarnamorskaha fłotu byŭ padbity rakietami «Nieptun», zapuščanymi ŭkrainskimi vajskoŭcami.
Čym pahražaje strata «Maskvy»
Adnoj z zadač krejsiera źjaŭlałasia supraćpavietranaja i supraćrakietnaja abarona ŭ intaresach usich sił rasijskaha fłotu: karabiel nios na borcie dalnabojnyja kompleksy SPA S-300 «Fort», paviedamlaje «Mieduza».
Strata bajazdolnaści «Maskvy» moža surjozna asłabić abaronu sił fłotu, jakija ŭdzielničajuć u vajnie z Ukrainaj, ad napadaŭ z pavietra.
Vierahodna, «Maskva» byŭ adzinym z karabloŭ svajho kłasu ŭ strai (jašče jość «Varah» na Cichaakijanskim fłocie i «Maršał Uścinaŭ» na Paŭnočnym), jaki pry madernizacyi nie atrymaŭ novych radaraŭ, zdolnych efiektyŭna zasiakać nizkija celi nakštałt supraćkarabielnaj rakiety «Niaptun».
Rakietny krejsier «Maskva», zakładzieny ŭ 1976 hodzie, źjaŭlaŭsia fłahmanam Čarnamorskaha fłotu RF. Jahony košt — kala 750 młn dalaraŭ.
Pa danych ukrainskich ŚMI, u chodzie rasijskaha ŭvarvańnia va Ukrainu
krejsier «Maskva» udzielničaŭ u apieracyi la vostrava Źmiainy ŭ Adeskaj vobłaści i mienavita ź im źviazanaja fraza «Ruski vajenny karabiel, idzi *****!» Jahonaje źniščeńnie maje nie tolki materyjalnaje značeńnie.
Źniščeńnie «Maskvy» istotna abmiažuje mahčymaści Čarnamorskaha fłota. Mienavita na krejsiery stajała abstalavańnie dla sačeńnia i raźviedki.
-
Piaty NPZ u Rasii spyniŭ pierapracoŭku nafty paśla ataki bieśpiłotnikaŭ
-
Kolkaść zahinułych u Kijevie praz rasijskuju ataku dasiahnuła 25 čałaviek
-
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary