Syny Aleksina, «Naftan», «Biełkalij», Azaronak: stała viadoma, chto budzie ŭ šostym pakiecie jeŭrapiejskich sankcyj
Miarkujecca, što da kanca tydnia ES apublikuje šosty pakiet sankcyj suprać režymu Łukašenki, jaki staŭ saŭdzielnikam vajny va Ukrainie na baku ahresara. «Našaj Nivie» stali viadomyja niekatoryja fihuranty hetaha śpisu. U im jość jak fizičnyja, tak i jurydyčnyja asoby. Vialiki ŭdar nanosicca pa tytuniovaj, kalijnaj i naftapierapracoŭčaj pramysłovaści.
Tak, u śpisie budzie fabryka «Inter-Tabaka», jakaja znachodzicca ŭ minskich Šabanach i naležyć łukašenkaŭskamu działku Aleksinu.
Taksama pad sankcyjami apyniecca hrodzienskaja tytuniovaja fabryka «Nioman».
Sankcyi za vajnu va Ukrainie nakładuć na «Naftan», Biełaruskuju kalijnuju kampaniju i «Biełkalij». Jašče niekalki prydpryjemstvaŭ nam nieviadomyja.
«Niekatoryja z hetych kampanij i raniej fihuravali ŭ sankcyjnych śpisach, ale byli niuansy: pad sankcyjami byli ich tavary. A ciapier u śpis trapiać sami kampanii, što źnižaje imaviernaść abychodu i ŭchileńnia ad sankcyj: naprykład, «Naftan» nie zmoža pradavać naftapradukty, navat kali pierakadziruje ich u rastvaralniki. Aktyvy buduć zamarožanyja, nielha budzie bolš vieści tyja typy biznesu, jakija nie byli zamarožanyja», — kaža akademičny dyrektar BEROC Kaciaryna Barnukova.
Ź fizičnych asobaŭ u śpis trapiać dvoje synoŭ Aleksina, na jakich multymiljanier imkniecca pierapisać častku aktyvaŭ.
Jak nam viadoma, u śpisie budzie tolki adzin z bratoŭ Karyčaŭ, jakija na lhotnych umovach zabudoŭvajuć Minsk.
Budzie ŭ pieraliku i kiraŭnik «Biełaruśkalija» Ivan Hałavaty, a taksama teleprapahandysty, jakija raspalvajuć varožaść, — Tur, Hładkaja i Azaronak.
-
«A Łukašenka nie ŭ kursie, adkul byŭ napad na hetu asfaltavanuju darohu?» U vioscy praviali viełaprabieh — ale ŭsia ŭvaha dastałasia darozie
-
Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki
-
Minčuki ŭ čacie paskardzilisia na pracu palikliniki. Prapahanda abvinavaciła ŭ čerhach samich naviedvalnikaŭ
Ciapier čytajuć
Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki7
Kamientary