U Smarhoni kampanija «Biełahraterminał», jakaja ŭvachodzić u mižnarodnuju hrupu «Sadružnaść» Alaksandra i Natalli Łucenkaŭ, uvodzić u ekspłuatacyju druhi alejna-ekstrakcyjny zavod. Novy kompleks zmoža pierapracoŭvać da 3 tysiač ton alejnych kultur u sutki, piša Office Life.
Paśla zapusku pradpryjemstva ahulnyja mahutnaści smarhonskaha kompleksu pavialičacca ź ciapierašnich 660 tysiač da 1,72 miljona ton syraviny na hod. Pašyreńnie vytvorčaści taksama pavinna stvaryć u rehijonie kala 300 novych pracoŭnych miescaŭ.
Zavod raźličany na pierapracoŭku niekalkich vidaŭ alejnych kultur. Tut buduć pracavać z rapsam, sojaj, lonam, a taksama z nasieńniem słaniečniku, jakoje stała novym dla biełaruskaj pramysłovaj pierapracoŭki ŭ takim maštabie.
Na pradpryjemstvie ŭžo pabudavali cechi padrychtoŭki i ekstrakcyi syraviny. Infrastruktura ŭklučaje ŭłasnuju kacielniu mahutnaściu 50 ton pary na hadzinu. U jakaści paliva buduć vykarystoŭvać słaniečnikavuju łuzhu.
Akramia taho, kompleks maje reziervuary dla zachoŭvańnia 42,4 tysiačy ton raślinnych alejaŭ, składski terminał abjomam 288 tysiač kubamietraŭ, bolš za 12 kiłamietraŭ čyhunačnych puciej i aŭtamabilny terminał, zdolny prymać da 380 mašyn na sutki.
Asnoŭnuju častku vyrablenaha aleju kampanija płanuje ekspartavać. Što tyčycca słaniečnikavaha šrotu, to novy zavod, pa słovach kiraŭnika «Biełahraterminała» Paŭła Ćviardoŭskaha, zmoža zabiaśpiečvać ułasnaj pradukcyjaj da 50% patreb biełaruskaha rynku. Hadavaja patreba krainy ŭ słaniečnikavym šrocie aceńvajecca prykładna na 300 tysiač ton.
Hrupa «Sadružnaść» była zasnavanaja ŭ 1994 hodzie Alaksandram i Natallaj Łucenkami. Pieršapačatkova jany zajmalisia ŭ Biełarusi handlem karmavymi dabaŭkami, a paźniej stvaryli adzin z bujnych chołdynhaŭ pa pierapracoŭcy alejnych kultur. Vytvorčyja aktyvy hrupy znachodziacca ŭ Rasii, Biełarusi, Brazilii i Turcyi.
U 2024 hodzie paśla restrukturyzacyi biznesu rasijskija i biełaruskija aktyvy byli abjadnanyja ŭ kampaniju «Sadružnaść Rus». Pavodle vynikaŭ 2024/25 finansavaha hoda, jaje vyručka skłała 2,8 miljarda dalaraŭ, a čysty prybytak — 30 miljonaŭ dalaraŭ.
Kitaj impartavaŭ biełaruskich tavaraŭ na $1,44 miljarda. Što tudy idzie?
Biełaruś stała hałoŭnym eksparcioram rapsavaha aleju ŭ Izrail
Rapsavy alej ciapier pavinien pradavacca va ŭsich kramach
U Čavusach pabudujuć zavod, jakoha ŭ Biełarusi dahetul nie było
Na rasijskich tavarach biełaruskuju movu možna sustreć ci nie čaściej, čym na biełaruskich. Čamu tak?
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?6
Kamientary