«Jany nie prajšli adbor». Arhanizatary vystavy «Art-Minsk» prakamientavali, čamu źniali karciny dziasiatkaŭ mastakoŭ
Na feście sučasnaha mastactva sioleta musiła być 240 mastakoŭ. Ale paśla abnaŭleńnia śpisu ŭdzielnikaŭ ź jaho vykinuli niekalki dziasiatkaŭ imionaŭ. Sami aŭtary zajaŭlajuć ab cenzury Minkulta.
Čytačka «Našaj Nivy» patelefanavała ŭ Ministerstva kultury i pacikaviłasia, čamu kala 40 mastakoŭ źniali z vystavy.
Iryna Dryha, načalnik hałoŭnaha ŭpraŭleńnia dziaržaŭnych śpiecyjalnych kulturnych mierapryjemstvaŭ i prafiesijnaha mastactva, syšła ad adkazu:
«Ministerstva kultury nie źjaŭlajecca arhanizataram hetaj vystavy. Adkazać na vašyja pytańni mohuć arhanizatary».
U Sajuzie mastakoŭ, jaki źjaŭlajecca adnym z arhanizataraŭ vystavy, skazali źviartacca niepasredna ŭ Pałac mastactvaŭ.
«My prosta padtrymlivajem vystavu, ale nie apłačvajem hetyja płoščy. Ja vam na vaša pytańnie nijak nie adkažu. Śpisy publikavaŭ sam Pałac mastactvaŭ, my ich tolki razhladajem i bačym, dobra heta ci drenna. Sprava ŭ tym, što tam buduć jašče vystavy. Mahčyma, hetyja mastaki ŭźniknuć na ich», — adkazała Natalla Šaranhovič, pieršaja namieśnica staršyni Sajuza mastakoŭ.
U Pałacy mastactvaŭ ahučyli nastupnuju pryčynu.
«Karciny ŭ vyniku nie prajšli adbor. Kryteryi adboru ja nie viedaju. Paniaćcia nie maju, chto byŭ u žury.
My vystaŭlali pracy, naprykład, Alaksandra Bielskaha ŭsie papiarednija hady. Ale viasna źmianiaje leta, a leta vosień. I ŭ niejki momant adbyvajucca padziei, paśla jakich źjaŭlajecca paŭza. Ale, kaniešnie, paŭza nie ŭ tvorčaj dziejnaści Alaksandra Bielskaha», — skazaŭ Andrej Jankoŭski, śpiecyjalist pa vystavačnaj dziejnaści.
Čytajcie taksama:
«Pracy źniali pa patrabavańni čynoŭnikaŭ Minkulta». Sa stratami ad cenzury ŭ Minsku adkryvajecca fiestyval «Art-Minsk»
Uładzimir Karatkievič: Pieramahčy ciemru z uschodu, być saboj i biełarusam i nie zdavacca VIDEA
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ31
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary