«My ŭžo nie postsavieckaje hramadstva». Aleś Bialacki vystupiŭ na Nobieleŭskaj kanfierencyi
Łaŭreat Nobieleŭskaj premii 2022 hoda, pravaabaronca Aleś Bialacki vystupiŭ na Nobieleŭskaj kanfierencyi ŭ siekcyi «Abarona demakratyi va ŭmovach rostu aŭtarytaryzmu». «Radyjo Svaboda» vybrała samyja jarkija cytaty ź jahonaj pramovy.
«Usie aŭtarytarnyja režymy padobnyja adzin da adnaho. Ja šmat čytaŭ pra Iran i Vieniesuełu i kožny raz paraŭnoŭvaju tamtejšyja režymy ź situacyjaj u našaj krainie. Jość šmat ahulnaha. Nie tolki demakratyčnyja siły supracoŭničajuć pamiž saboj — dyktatury taksama navučylisia supracoŭničać».
«My ŭžo nie postsavieckaje hramadstva. My — hramadstva, jakoje padtrymlivaje demakratyju. Ale ŭłady nie źmianilisia».
«Ad samaha pačatku ja jasna razumieŭ: Nobieleŭskuju premiju miru prysudzili mnie, ale ja — tolki adzin z sotniaŭ tysiač biełarusaŭ, jakija chočuć bačyć Biełaruś demakratyčnaj jeŭrapiejskaj krainaj».
«Apošnija hady byli vielmi ciažkimi, ale ja nie škaduju ni pra adzin dzień. Kali my byli maładyja, kali nam było pa 20 hadoŭ, my maryli pra svabodnuju i demakratyčnuju Biełaruś. Hetaja mara dahetul nie ažyćciaviłasia. Tamu ŭ nas jašče jość što rabić — u Vieniesuele, Iranie i Biełarusi».
«Dyktatury abjadnoŭvajucca, tamu ŭsie siły, jakija vystupajuć za demakratyju i pravy čałavieka, taksama pavinny abjadnoŭvacca, bo vyklikaŭ u śviecie stanovicca ŭsio bolš. I heta nie drobnyja vykliki. Jany isnujuć u dyktaturach, ale jany jość i ŭ demakratyčnych krainach. My bačym vielmi surjoznyja prablemy ŭ jeŭrapiejskich krainach. Usio hučniej zajaŭlajuć pra siabie krajnie pravyja. My bačym usio bolš papulistaŭ».
Całkam vystup Bialackaha možna pahladzieć na YouTube (pačatak — z 46‑j chviliny).
Aleś Bialacki: Treba vučycca i rychtavacca da pieramien
Bialacki: Dałučeńnie da Jeŭrasajuza — heta nie pytańnie «chaču — nie chaču», heta pytańnie vyžyvańnia biełarusaŭ jak naroda
Bialacki: Zakryli Honar, LSTR Adzenne i Ragna — rusifikacyja praciahvajecca
Amierykanski fond uhanaravaŭ Bialackaha miedalom «Za słužeńnie demakratyi»
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ25
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1313
Kamientary