Chto z nas nie chacieŭ by spynić čas? Dyjetołahi śćviardžajuć, što dziakujučy pravilnamu vybaru praduktaŭ my možam pakłapacicca pra vyhlad svajoj skury i zrabić jaje źniešnie maładziejšaj. Pahladzicie, što dla hetaha pavinna być na vašaj talercy.
Raślinnyja krynicy białku
Raślinny białok nie tolki dapamahaje naroščvać muskuły, ale i spryjaje bolš maładomu vyhladu. Białok nieabchodny dla pabudovy kletak i tkanak, jon taksama źjaŭlajecca asnoŭnym kampanientam kałahienu — važnaha rečyva, jakoje dapamahaje zachoŭvać pruhkaść, ełastyčnaść i małady vyhlad skury.
Kałahien i tak prysutničaje ŭ arhaniźmie, ale z uzrostam jaho kolkaść skaračajecca, i jon pačynaje vyrablacca mienš efiektyŭna. Tamu kali ŭžyvać pradukty, bahatyja białkom, heta budzie spryjać sintezu kałahienu, i skura budzie vyhladać bolš maładoj. Pradukty z raślinnymi białkami taksama źmiaščajuć antyaksidanty, jakija praduchilajuć pracesy zapaleńnia ŭ skury, jakoje škodzić joj i robić jaje žaŭtavataj.
Pamidory, asabliva ŭ vyhladzie pasty, kietčupu ci piečanymi
Hetaja sadavina źmiaščaje likapin — antyaksidant, što dapamahaje abaranić skuru ad paškodžańnia ŭltrafijaletam. Daśledavańnie Brytanskaha žurnała dermatałohii pakazała, što žančyny, jakija štodzień užyvali tamatnuju pastu, byli lepš abaronienyja ad škody, jakuju mohuć nanieści soniečnyja pramiani.
Aliŭkavy alej pieršaha adciskańnia
Heta adzin z asnoŭnych praduktaŭ mižziemnamorskaj dyjety, jaki maje vialikuju karyść dla serca, ale i dla skury. Aliŭkavy alej bahaty antyaksidantami, jakija dapamahajuć źmienšyć paškodžańnie ad akiśleńnia i zapaleńnie, vyklikanaje svabodnymi radykałami.
Bahataja na tłušč ryba
Dyjetołahi rajać chacia b raz na tydzień źjadać porcyju bahataj na tłušč ryby, naprykład, łasosia. Tłustyja kisłoty amieha-3, što jość u takoj rybie, dapamahajuć źmienšyć zapaleńnie ŭ skury, jakoje moža joj naškodzić. Akramia taho, tłustaja ryba taksama źmiaščaje šmat białku, važnaha dla vytvorčaści kałahienu i ełaścinu.
Avakada
Avakada źmiaščaje šmat nienasyčanych tłuščoŭ i klatčatki, jakija dapamahajuć vašaj skury vyhladać bliskučaj. Jany spryjajuć farmiravańniu zdarovaj abałonki cieła.
Złoŭžyvajecie ałkaholem? Vaša skura heta pakaža
Jak lepiej abaranić siabie ad sonca?
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary