Kali ŭ kvatery zavodziacca muraški, vyvieści ich niaprosta, navat chimijaj. A voś prosty ahurok moža dapamahčy. Asabliva kali jon horki.
Muraški — nadzvyčajna karysnyja istoty. Jany raznosiać u lesie nasieńnie, čym raśsiavajuć niekatoryja raśliny, jany taksama varušać hlebu i ačyščajuć travu i les ad arhaničnych adkidaŭ, takich, jak reštki raślin ci miortvych žyviolin. Ale heta ŭ lesie, a nie ŭ chacie.
Muraški ŭ chacie — heta mała taho, što niepryjemna, jany jašče i padjadajuć ježu i pieranosiać virusy i bakteryi. Dobra, što jość prosty i tanny sposab pazbavicca ich.
Ahurok dziejničaje jak repielent — muraški nienavidziać jaho pach, pryčym lepš za ŭsio kali ahurok horki.
Prosta narežcie ahurok na kavałki ci źnimicie ź jaho łupinu. Druhi varyjant bolš efiektyŭny, bo mienavita ŭ vierchnim słoi ahurka znachodzicca horkaje rečyva kukurbitacyn, jakoje muraški prosta nienavidziać. Raskładzicie kavałki ahurka ci jaho łupinu tam, dzie čaściej za ŭsio bačycie murašak.
Pach ahurka budzie adpužvaje murašak i pierabivaje im niuch. Adpaviedna, jany stračvajuć mahčymaść kamunikavać pamiž saboj. Bolš za toje, ahurki taksama źmiaščajuć rečyva, jakoje dziejničaje na murašak jak atruta.
Zaviaŭ ahurok — zamianicie jaho kavałki na novyja.
Čytajcie taksama:
Piać praduktaŭ, jakija dapamahajuć skury abmałodžvacca
Ciapier čytajuć
Aryštavany sienatar Karpicki, hałoŭny doktar Bresckaj abłasnoj balnicy14
Kamientary