Novy kiraŭnik samaabvieščanaj Paŭdniovaj Asiecii Ałan Hahłajeŭ, jaki niadaŭna zastupiŭ na hetuju pasadu prypyniŭ dziejańnie vydadzienaha jahonym papiarednikam ukaza ab praviadzieńni refierendumu ab dałučeńni da Rasii. Zroblena heta «da zaviaršeńnia kansultacyj z RF».
Rašeńnie było pryniata, «uličvajučy niavyznačanaść pravavych nastupstvaŭ pytańnia, što vynosicca na refierendum» i «pryznajučy niedapuščalnaść adnabakovaha rašeńnia refierendumu pa pytańniach, jakija zakranajuć zakonnyja pravy i intaresy Rasijskaj Fiederacyi», havorycca na sajcie kiraŭnika Paŭdniovaj Asiecii.
Ukaz taksama praduhledžvaje farmavańnie składu delehacyi dla kansultacyj z Rasijaj.
Papiaredni kiraŭnik niepryznanaj respubliki Anatol Bibiłaŭ padpisaŭ ukaz ab refierendumie ŭ pytańni ŭvachodžańnia terytoryi ŭ skład Rasii paśla taho, jak užo prajhraŭ vybary i było viadoma, što ŭ Paŭdniovaj Asiecii pamianiajecca ŭłada. Sa svaim nastupnikam jon hety krok uzhadnić nie paličyŭ patrebnym.
Refierendum pavinien byŭ adbycca 17 lipienia, ale Kreml nie paličyŭ hetuju ideju ŭ ciapierašnich umovach svoječasovaj.
Ciapier čytajuć
Padazronaha aktyvista-stukača Paŭła Bialucina pryvieźli z Turcyi3
Padazronaha aktyvista-stukača Paŭła Bialucina pryvieźli z Turcyi
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1111
Kamientary