Uśled za brytanskaj raźviedkaj ab tym, što rasijski lidar ciažka chvory, paviedamili try krynicy časopisa Newsweek u ZŠA — supracoŭnik ofisa kiraŭnika Nacyjanalnaj vyviedki, čynoŭnik raźviedvalnaha ŭpraŭleńnia Pientahona i staršy aficer VVS.
Infarmacyja pra surjoznaje zachvorvańnie Pucina, atrymanaja dniami izrailskim žurnalistam ad svaich krynic u Maskvie, znachodzić paćvierdžańnie.
Da maja ŭ śpiecsłužbaŭ ZŠA byŭ kansensus u tym, što Pucin surjozna chvory i, mahčyma, navat pamiraje. Jahony drenny stan vidać pa kadrach sustreč z čynoŭnikami — naprykład, z Šajhu.
U krasaviku Pucin nibyta navat pieranios apieracyju. Ale da kanca maja, paśla doŭhaj adsutnaści, prezident staŭ čaściej źjaŭlacca na publicy.
«Pucin adnaznačna chvory. Ale možna tolki mierkavać, ci chutka jon pamre, — kaža surazmoŭca vydańnia. — Jon pa-raniejšamu niebiaśpiečny».
Dakładna acanić stan Pucina pieraškadžaje jaho pastajannaja izalacyja.
Raniej viadomy izrailski žurnalist, ahladalnik internet-vydańnia «Detali» Mark Katlarski, paviedamiŭ na padstavie svaich krynic, što ŭ Pucina dyjahnastavany rak padstraŭnikavaj załozy, i jaho rychtujuć da terminovaj apieracyi ŭ Nacyjanalnym miedycynskim daśledčym centry ankałohii imia Błachina — najlepšaj dziaržaŭnaj klinicy krainy, jakaja śpiecyjalizujecca na lačeńni takich zachvorvańniaŭ.
U hutarcy z kanałam «Možiem objaśniť» Katlarski ŭdakładniŭ, što adzin ź jahonych surazmoŭcaŭ — sa staličnych lekarskich kołaŭ, a inšy blizki da padraździaleńnia kramloŭskaj administracyi, jakoje adkazvaje za zdaroŭje pieršaj asoby.
Žurnalist zapeŭniŭ, što jahonyja znajomyja dobra infarmavanyja ab situacyi sa zdaroŭjem rasijskaha prezidenta i zasłuhoŭvajuć davieru. Pa hetych dadzienych, dla apieracyi rychtujecca zakryty dla pryjomu inšych pacyjentaŭ adzin z karpusoŭ Centra Błachina, dzie zaraz pacyjenta № 1 čakajuć na pieradapieracyjnaje abśledavańnie (punkcyju brušnoj połaści).
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ34
Kamientary