Mova naša. Sievieradanieck ci Paŭnočnadanieck? Nie ŭsio tak adnaznačna
Horad byŭ zasnavany ŭ 1950 hodzie na bierazie raki Sievierski Daniec. Da taho tam byŭ pasiołak z paetyčnaj nazvaj Lischimstroj. Ale i nazva raki va ŭkrainskaj movie ŭ rozny čas narmatyŭna pisałasia pa-roznamu: ciapier heta Sievierski Daniec, a raniej, da siaredziny XX stahodździa, čaściej užyvałasia Paŭnočny Daniec.
Daniec ža nazyvajuć «Sievierskim», bo jaho vytoki byli ŭ Sievierskim kniastvie, u ziemlach sieviaran — staradaŭniaha słavianskaha sajuza plamion. Jany žyli ŭ rehijonie miž Čarnihavam, Sumami, Pałtavaj, Branskam i Kurskam, ich adroźnivajuć pa śpiralepadobnych skronievych kołcach. Raniejšaja ruskamoŭnaja nazva «Sieviernyj Doniec» była pamyłkovaj.
Nazva «Lischimstroj» pachodziła ad Lisičanskaha rajona.
Pravilnaja ŭkrainskaja nazva horada, zhodna ź dziejnym pravapisam, — Sivierśkodoniećk, heta adpaviadaje etymałohii (ad rečki Sievierski Daniec).
Adnak niekatoryja ličać pravilnym varyjant Sivierśkodoniećkie (bo: «misto», inšyja — Sievierodoniećkie, jašče jość varyjant — Sievierodoniećk. Na hierbie horada, zaćvierdžanym u 1995 hodzie, napisana Sievierodoniećk.
Karaciej, horad małady, nazva nie ŭstajałasia, pakiniem hetyja sprečki ŭkraincam, daj boža, kab jany jaho adstajali i adbudavali, bo jon zusim razburany paśla dvuch miesiacaŭ rasijskaj abłohi.
A pa-biełarusku Sievierski Daniec vyvodzić nas na «Sievieradanieck», takoha napisańnia «Naša Niva» i trymajecca.
-
«Na tobie j koš i ryba». 81‑hadovaja Viera zapisała ŭspaminy pra Davyd-Haradok 1950‑ch i zrabiła aŭdyjazapisy darahoj jaje dušy havorki
-
U Minsku na biełaruskaj movie vučycca 1,6% školnikaŭ — žachlivaja statystyka rusifikacyi
-
Jandzy i Dzińpin. U biełaruskaj movie źmianili normy pieradačy kitajskich nazvaŭ — novaje napisańnie dakładniej pieradaje kitajskaje hučańnie
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary