U Minsku na biełaruskaj movie vučycca 1,6% školnikaŭ — žachlivaja statystyka rusifikacyi
Na pačatak 2025/2026 navučalnaha hoda ŭ stalicy tolki 3569 z 223 756 vučniaŭ navučalisia na biełaruskaj movie. Heta 1,6% ad ahulnaj kolkaści školnikaŭ — samy nizki pakazčyk siarod usich rehijonaŭ krainy. U siarednim u Biełarusi biełaruskamoŭnaje navučańnie achoplivała 8% školnikaŭ, tolki ŭ Minskaj vobłaści — 16,4%, što bolš čym u dziesiać razoŭ pieravyšaje staličny ŭzrovień.
Pavodle statystyki Ministerstva adukacyi, usiaho va ŭstanovach ahulnaj siaredniaj adukacyi Biełarusi na pačatak 2025/2026 navučalnaha hoda navučalisia 1 058 693 vučni. Ź ich tolki 84 546 atrymlivali adukacyju na biełaruskaj movie, što składaje 8% ad ahulnaj kolkaści. Astatnija 974 147 čałaviek (92%) vučylisia na ruskaj movie.
Inšymi słovami, tolki kožny dvanaccaty školnik u Biełarusi navučaŭsia na biełaruskaj movie.
Pry hetym pakazčyk amal nie źmianiajecca pa kłasach: u 1-3‑ch kłasach jon adnolkavy — 7,8%, a ŭ cełym vahajecca ad 7% u 10‑ch kłasach da 8,8% u 9-ch. Heta śviedčyć, što biełaruskamoŭnaje navučańnie zastajecca prykładna adnolkava redkaj źjavaj na ŭsich etapach školnaj adukacyi.
Dzie bolš biełaruskamoŭnych vučniaŭ
Bolš za pałovu ŭsich vučniaŭ, jakija atrymlivajuć adukacyju na biełaruskaj movie, prypadaje na dźvie vobłaści — Minskuju i Bresckuju.
U Minskaj vobłaści pa-biełarusku navučajucca 27 177 školnikaŭ — amal kožny šosty (16,4%), u Bresckaj — 21 436, abo prykładna kožny vośmy (12,7%).
Za imi iduć Hrodzienskaja vobłaść, dzie pa-biełarusku navučaŭsia prykładna kožny dvanaccaty školnik (8,1%), Homielskaja — kožny piatnaccaty (6,7%), Mahiloŭskaja — kožny šasnaccaty (6,2%) i Viciebskaja — tolki kožny dvaccać treci (4,4%).
Stalica — na apošnim miescy
Na hetym fonie Minsk vyhladaje katastrafična. U stalicy biełaruskamoŭnaje navučańnie stała redkaściu.
Z 223 756 školnikaŭ tolki 3569 vučylisia na biełaruskaj movie. Heta 1,6% usich vučniaŭ stalicy.
Inšymi słovami, pa-biełarusku navučaŭsia prykładna kožny šaścidziesiaty minski školnik.
Kali razhladać statystyku pa kłasach, možna zaŭvažyć, što ŭ pačatkovaj škole dola biełaruskamoŭnaha navučańnia krychu vyšejšaja, čym u siaredniaj i staršaj škole. Heta moža śviedčyć pra peŭnaje pavieličeńnie popytu na biełaruskamoŭnuju adukacyju ŭ apošnija hady. Adnak roźnica vielmi niaznačnaja: navat u pieršych i čaćviortych kłasach pa-biełarusku navučajucca tolki 1,8% dziaciej, tamu kazać pra istotny pierałom pakul nie vypadaje.
Staličny pakazčyk amal u piać razoŭ sastupaje siaredniamu pa Biełarusi i bolš čym u dziesiać razoŭ — pakazčyku Minskaj vobłaści.
Minsk, jaki pavinien być hałoŭnym kulturnym i adukacyjnym centram Biełarusi, siońnia maje samuju rusifikavanuju školnuju adukacyju ŭ krainie.
Ciapier čytajuć
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury2
Kamientary
Minsk i źjaŭlajecca hałoŭnym kulturnym i adukacyjnym centram Biełarusi.