U stalicy Balivii Ła-Pasie sud pryhavaryŭ da dziesiaci hadoŭ turemnaha źniavoleńnia byłuju prezidentku krainy Žanin Ańjes.
Na dumku suda, Ańjes pryjšła da ŭłady niezakonnym šlacham, padbuchtorvała balivijcaŭ da miaciažu i rychtavała dziaržaŭny pieravarot.
Abvinavačańnie źviazana z padziejami listapada 2019 hoda, kali Balivija pieražyvała palityčny kryzis. Na vybarach prezidenta, pavodle aficyjnych źviestak, pieramoh sacyjalist Eva Marales, jaki zajmaŭ pasadu kiraŭnika dziaržavy z 2006 hoda. Adnak paśla šmattysiačnych pratestaŭ suprać vynikaŭ vybaraŭ Marales skłaŭ ź siabie prezidenckija paŭnamoctvy i ŭciok z krainy.
Kiraŭnictva dziaržavy masava syšło ŭ adstaŭku, i Ańjes, jakaja zajmała tady pasadu druhoha namieśnika staršyni Pałaty sienataraŭ, abviaściła siabie časovaj kiraŭnicaj Balivii na pierachodny pieryjad.
Nastupnyja vybary prajšli ŭ kastryčniku 2020 hoda, na ich pieramoh paplečnik Maralesa Łuis Arse. A jašče praź piać miesiacaŭ Ańjes i jaje paplečnikaŭ aryštavali pa abvinavačańni ŭ padrychtoŭcy dziaržaŭnaha pieravarotu.
Mižnarodnaja pravaabarončaja arhanizacyja Amnesty International nazvała tady kryminalnuju spravu suprać Ańjes i jaje prychilnikaŭ praciaham «pandemii biespakaranaści parušeńniaŭ pravoŭ čałavieka ŭ Balivii», chacia i pryznała, što ŭrad Ańjes taksama niedastatkova rasśledavaŭ parušeńni pravoŭ čałavieka padčas masavych pratestaŭ.
Sama Ańjes i jaje prychilniki admaŭlajuć, što jaje prychod da ŭłady byŭ niezakonnym. Eks-prezidentka nie pryznała svajoj viny i ličyć siabie achviaraj palityčnaha pieraśledu.
Ciapier čytajuć
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta7
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich3030
Kamientary