«Znachodziła miesca navat dla žartaŭ». Jak sudziać piensijanierku Alenu Hnaŭk
Učora, 13 červienia 2022 hoda, adbyŭsia sud nad Alenaj Hnauk. Pra toje, što sud projdzie ŭ adkrytym režymie, stała viadoma tolki niepasredna pierad im, tamu na pasiadžeńni nie było nikoha, akramia śviedak. Svajaki nie advažylisia zaklikać ludziej jechać u Pružany, bo byli ŭpeŭnienyja, što sud budzie zakrytym, piša ŭ Fejsbuku dačka 65-hadovaj žančyny Taćciana Mazko.
Hnaŭk sudziać pa artykułach 369-1 KK (dyskredytacyja Biełarusi) i č. 2 art. 367 (paklop na Łukašenku). Joj pahražaje da 6 hadoŭ źniavoleńnia, paŭhoda jana ŭžo adbyła za kratami.
Na sudzie Alena Hnaŭk pavodziła siabie, jak piša dačka, śmieła i raźniavolena, znachodziła miesca navat dla žartaŭ. Zajaviła advod prakuroru, jaki nie byŭ pryniaty.
U turmie Hnaŭk vydajuć ručku tolki na 30-60 chvilin u dzień, tamu z-za abmiežavanaha času jana nie paśpiavaje adkazać na ŭsie listy, ale pieradaje ŭsim vialikaje pryvitańnie.
Nastupny sud budzie prachodzić taksama ŭ adkrytym režymie 16 červienia ŭ 14.30 u Pružanskim sudzie pa adrasie: Pružany, vuł. Svabody, 25.
Da taho, jak patrapić u turmu, u Aleny Hnaŭk było 17 zatrymańniaŭ, 10 administracyjnych spraŭ i štrafaŭ na 173 bazavych vieličyń. Taksama Hnaŭk pa dźviuch kryminalnych artykułach asudzili na 3 hady «chatniaj chimii». Paśla hetaha Hnaŭk, adnak, nie spyniła aktyŭnuju dziejnaść, jana pisała zvaroty da ŭładaŭ i zdymała videa.
Ciapier čytajuć
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym88
Kamientary