Palitźniavolenyja Volha Takarčuk i Anastasija Mironcava siońnia vychodziać z homielskaj žanočaj kałonii
Jany całkam adbyli svaje terminy.
Ciońnia ranicaj vyjšła na volu błohierka i dyzajnierka Volha Takarčuk. Za kratami jaje ŭtrymlivali bolš za hod, piša «Viasna».
Nahadajem, sud Zavodskaha rajona Minska 20 śniežnia prysudziŭ Volzie paŭtara hoda kałonii. Jaje abvinavačvali adrazu pa troch artykułach Kryminalnaha kodeksa: č. 1 art. 342, art. 188 i art. 391.
Taksama z žanočaj kałonii siońnia vychodzić Anastasija Mironcava.
Jaje razam ź siastroj Viktoryjaj zatrymali jašče ŭ kastryčniku 2020 hoda ŭ miežach kryminalnaj spravy pa č. 1 art. 342 KK. Sprava źviazanaja z padziejami 10 žniŭnia ŭ Minsku. Paźniej ich abvinavacili jašče ŭ hvałcie ŭ dačynieńni da supracoŭnikaŭ MUS, a Viktoryju taksama abvinavacili ŭ supraciŭleńni supracoŭniku orhanaŭ unutranych spravaŭ. 1 krasavika Anastasiju asudzili da 2 hadoŭ kałonii, a Viktoryju — da 2,5 hoda.
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu15
Kamientary