Palitźniavolenuju piensijanierku Alenu Hnaŭk užo dva tydni ŭtrymlivajuć u karcary
65-hadovuju bresckuju aktyvistku Alenu Hnaŭk administracyja baranavickaha SIZA pakarała «sutkami» ŭ karcary. Jana pavinna była vyjści adtul 1 lipienia, ale jaje nie vypuścili. Ahułam žančyna znachodzicca ŭ karcary ŭžo dva tydni, paviedamlaje «Viasna».
Pryčyna pakarańnia — admova Hnaŭk vykonvać niejkaje praviła SIZA. Ale jana nie hublaje badzioraści ducha i navat pačała pisać knihu «Repartaž z karcara».
17 červienia palitźniavolenuju asudzili na try z pałovaj hady kałonii va ŭmovach ahulnaha režymu i dali štraf u 3200 rubloŭ.
Alenu Hnaŭk pryznali vinavataj pa dvuch artykułach Kryminalnaha kodeksa: art. 367 (paklop na Łukašenku) i art. 369-1 (dyskredytacyja Respubliki Biełaruś) za vosieńskija pasty ŭ Fejsbuku i Instahramie pra kurdskija siemji i stanovišča mihrantaŭ u Biełarusi.
Z 2020 hoda piensijanierku metanakiravana praśledavali: zatrymlivali i aryštoŭvali pa administracyjnych artykułach 17 razoŭ, štrafavali ahułam na 173 bazavyja vieličyni, doma pravodzili pieratrusy, asudzili pa «spravie karahodaŭ» i za abrazu Łukašenki pa kryminalnych artykułach. Pad vartaj Alena Hnaŭk utrymlivajecca ŭžo amal paŭhoda.
-
«Cichanoŭski svajoj žyviolnaj charyzmaj moža zaciamnić šmat kaho ź lidaraŭ». Šrajbman pra viartańnie Cichanoŭskaha
-
Śviatłana i Siarhiej Cichanoŭskija adpraŭlajucca ŭ pieršy sumiesny aficyjny vizit — u Polšču
-
«Zachodziš u kamieru, a jany kažuć: «My z taboj admaŭlajemsia siadzieć». Cichanoŭski raskazaŭ, jak sutyknuŭsia z prablemaj nizkaha statusu
Ciapier čytajuć
«Zachodziš u kamieru, a jany kažuć: «My z taboj admaŭlajemsia siadzieć». Cichanoŭski raskazaŭ, jak sutyknuŭsia z prablemaj nizkaha statusu7
Kamientary