Palitviaźniu Paŭłu Aŭčarovu, asudžanamu da piaci hadoŭ kałonii, dadali jašče paŭtara hoda źniavoleńnia
Administracyja škłoŭskaj kałonii №17, dzie Pavieł Aŭčaroŭ apošni hod adbyvaŭ svoj termin, inicyjavała ŭzbudžeńnie suprać palitviaźnia kryminalnaj spravy pavodle č. 2 art. 411 KK — złosnaje niepadparadkavańnie patrabavańniam administracyi papraŭčaj ustanovy. U sudzie Škłoŭskaha rajona 6 lipienia sudździa Alaksandr Tarakanaŭ prysudziŭ Paŭłu ŭ dadatak da piaci hadoŭ źniavoleńnia jašče paŭtara hoda ŭ kałonii. Taksama Aŭčarovu źmianili režym adbyćcia pakarańnia z uzmocnienaha na strohi, paviedmlaje «Viasna».
Paŭła Aŭčarova zatrymali 8 kastryčnika 2020 hoda ŭ miežach kryminalnaj spravy, raspačataj paśla akcyi pratestu 23 vieraśnia 2020 hoda, kali ŭ Minsku prajšła inaŭhuracyja Łukašenki. Suprać palitviaźnia, a taksama jaho siabra Emila Husejnava zaviali spravu pa troch artykułach Kryminalnaha kodeksa: č. 2 art. 293 (udzieł u masavych biesparadkach), č. 1 art. 342 (aktyŭny ŭdzieł u hrupavych dziejańniach, jakija hruba parušajuć hramadski paradak), č. 1 art. 363 (supraciŭ supracoŭnikam orhanaŭ unutranych spraŭ).
Aŭčarova i Husejnava pryznali vinavatymi ŭ tym, što 23 vieraśnia 2020 hoda jany zaklikali da ŭdziełu ŭ masavych biesparadkach, jakija zahadzia byli spłanavanyja pad vyhladam masavych mierapryjemstvaŭ, błakavali kamunikacyi. Heta paciahnuła parušeńnie raboty KTUP «Minsktrans». Taksama jany nibyta «abmiažoŭvali prava dobraprystojnych hramadzian na spakojny adpačynak i svabodnaje pieramiaščeńnie», akazvali supraciŭ supracoŭnikam MUS. Abodva mužčyny vinu nie pryznali. 20 traŭnia 2021 hoda Paŭłu i Emilu prysudzili pa 5 hadoŭ pazbaŭleńnia voli ŭ kałonii ŭzmocnienaha režymu.
Letam 2021 hoda Paŭła nakiravali ŭ papraŭčuju kałoniju №17 u Škłovie. Tam suprać jaho raspačali kryminalnuju spravu pa art. 411 Kryminalnaha kodeksa (złosnaje niepadparadkavańnie patrabavańniam administracyi papraŭčaj ustanovy). 6 lipienia ŭ sudzie Škłoŭskaha rajona Aŭčarovu prysudzili jašče paŭtara hoda źniavoleńnia i źmianili režym adbyćcia pakarańnia z uzmocnienaha na strohi.
Ciapier čytajuć
Dron prylacieŭ u pasažyrski aŭtobus na miažy Rasii i Biełarusi14
Kamientary