Struktury rasijskaha biznesmiena Ramana Abramoviča mahli na praciahu dziesiacihodździaŭ prama ci ŭskosna zabiaśpiečvać rasijskuju armiju mietałami i inšaj syravinaj, jakija patrebnyja dla vytvorčaści tankaŭ i bojeprypasaŭ, piša Centr daśledavańnia karupcyi i arhanizavanaj złačynnaści (OCCRP).
Padobnyja rasśledavańni mohuć stać abhruntavańniem dla ŭviadzieńnia novych sankcyj suprać Abramoviča abo Evraz.
OCCRP pryvodzić niekalki prykładaŭ. Naprykład, zavod Evraz u Zachodniaj Sibiry atrymaŭ z 2015 pa 2018 hod kantraktaŭ na 2,8 młn dalaraŭ ad nienazvanaj dziaržaŭnaj kampanii za pastaŭki naftapraduktaŭ i praduktaŭ z vuhalu, jakija mahli vykarystoŭvacca dla vytvorčaści vybuchovych rečyvaŭ. U 2018 hodzie nižnietahilski zavod Evraz pastaviŭ stali na 1,4 młn dalaraŭ «Urałvahonzavodu» — tam robiać vahony dla Rasijskaj čyhunki i tanki.
Jak piša OCCRP, u Evraz admaŭlajuć lubyja suviazi z rasijskaj abaronkaj i vajskovymi kantraktami.
Abramovič i jaho kampanija Evraz pakul znachodziacca tolki pad sankcyjami Vialikabrytanii, a sam biznesmien asobna — jašče i pad sankcyjami ES.
ZŠA pakul nie ŭklučali Abramoviča abo Evraz ŭ sankcyjnyja śpisy, choć užo ŭvodzili ich suprać rasijskich mietałurhaŭ, naprykład, «Sievierstali» i jaje ŭładalnika Alaksieja Mardašova.
Vialikabrytanija tłumačyła sankcyi tym, što Evraz vyrablaje roznyja kamplektujučyja dla čyhunki, pa jakoj iduć vajennyja pastaŭki dla rasijskaha vojska va Ukrainie. Z-za brytanskich sankcyj Abramovič byŭ vymušany pradać futbolny kłub «Čełsi». The Wall Street Journal pisała, što prezident Ukrainy Uładzimir Zialenski prasiŭ prezidenta ZŠA vyklučyć Abramoviča z sankcyjnych śpisaŭ, bo toj udzielničaje ŭ pieramovach pamiž Rasijaj i Ukrainaj. Paźniej Błumbierh paviedamlaŭ, što ŭłady ZŠA ŭsio ž abdumvajuć uklučeńnie Abramoviča ŭ śpisy. Abramovič pry hetym sprabuje abskardzić svajo ŭklučeńnie ŭ sankcyjnyja śpisy JEZ i Vialikabrytanii.
-
Ruhinienie: Litva hatova razhledzieć zapyt ZŠA adnavić tranzit biełaruskich uhnajeńniaŭ, kali jon budzie
-
Kiraŭnik MZS Azierbajdžana paviedamiŭ pra «surjoznyja pytańni» da Maskvy praz zakryćcio spravy ab katastrofie łajniera AZAL
-
Zialenski dapuściŭ, što Tramp moža pryjechać va Ukrainu dla padtrymki płana mirnaha pahadnieńnia
Ciapier čytajuć
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary