Andžeja Pačobuta vinavaciać u tym, što jon ličyć padziei 17 vieraśnia 1939 hoda «savieckaj ahresijaj»
Polskaje vydańnie Rzeczpospolita piša, što žurnalist-palitviazień Andžej Pačobut z-za krataŭ zmoh pieradać infarmacyju pra toje, u čym jaho abvinavačvajuć.
Havorka idzie pra niekalki ideałahičnych abvinavačańniaŭ, jakija fihurujuć u kryminalnaj spravie. Prakurory paličyli słovy Pačobuta pra savieckuju ahresiju suprać Polščy 17 vieraśnia 1939 hoda «raspalvańniem nacyjanalnaj varožaści».
Jašče adnym «dokazam» abvinavačańnia źjaŭlajucca zajavy Andžeja Pačobuta ŭ abaronu polskaj adukacyi ŭ Biełarusi.
U spravie fihuravaŭ i adzin ź jaho artykułaŭ u Gazeta Wyborcza, u jakim jon paviedamlaŭ pra žorstkaje padaŭleńnie postvybarčych pratestaŭ u noč z 9 na 10 žniŭnia 2020 hoda. Abvinavaŭcy režymu taksama ŭhledzieli «ŭzbudžeńnie nianaviści» ŭ zajavach i intervju Pačobuta, jakija jon daŭ polskim ŚMI. Ale da spravy pryviazali i jahony artykuł u časopis Magazyn Polski, jaki jon napisaŭ u 2006 hodzie i pryśviaciŭ «Olechu» (Anatolu Radzivoniku), adnamu z kamandziraŭ polskaha antykamunistyčnaha i vyzvalenčaha padpolla ŭ Hrodzienskaj vobłaści.
«U listach jon piša, što nie emacyjny, čytaje knihi i hatovy da horšaha scenara. Vitaje ŭsich, siabroŭ i nieznajomcaŭ. Jon usim udziačny za toje, što jany pišuć listy, niahledziačy ni na što, — paviedamlaje žonka Andžeja Aksana. — Andžeju nie dazvalajuć pierapisvacca z synam, bo jany pišuć adno adnamu na polskaj movie, — 16 miesiacaŭ! Za hety čas naš syn vyras vyšej za babulu i dziadulu, — piša žančyna.
Hrodzienski žurnalist i adzin z polskich aktyvistaŭ u Biełarusi Andžej Pačobut byŭ zatrymany 25 sakavika 2021 hoda. Jamu zakidajuć abvinavačańnie pa č. 3 art. 130 Kryminalnaha kodeksa («Ździajśnieńnie hrupaj asob naŭmysnych dziejańniaŭ, nakiravanych na raspalvańnie nacyjanalnaj, relihijnaj varožaści i varožaści pa prykmiecie nacyjanalnaj, relihijnaj, moŭnaj prynaležnaści, i ździajśnieńnia naŭmysnych dziejańniaŭ pa reabilitacyi nacyzmu»), a znachodzicca jon u SIZA № 1 u Minsku pa vulicy Vaładarskaha.
Takoje ž abvinavačańnie było pradjaŭlena jašče čatyrom aktyvistam Sajuza palakaŭ, u tym liku kiraŭnicy arhanizacyi Anžalicy Borys. Ale z usich abvinavačanych pa «spravie palakaŭ» pad vartaj ciapier zastajecca tolki Pačobut.
-
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
-
«Adnu mianie biesić, što za miažoj ja vyklučna IrYna?» Biełaruska aburajecca tranśliteracyjaj u pašparcie ź biełaruskaj movy
-
U Lidzie pamior 71-hadovy mužčyna. Jaho syn, zborščyk podpisaŭ za Capkału, kaža, što baćku zakatavali da śmierci. Ci tak heta?
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
Kamientary