Kalehi palitźniavolenaha fiłosafa Uładzimira Mackieviča zapuścili sajt ź jaho pracami
Siońnia kalehi Uładzimira Mackieviča, kampanija «Fiłosaf u turmie», zapuskajuć piersanalny sajt fiłosafa i mietadołaha. Roŭna hod tamu jon byŭ zatrymany, a ŭ červieni 2022 hoda jaho asudzili da piaci hadoŭ kałonii ŭzmocnienaha režymu.
Na sajcie užo možna znajści asnoŭnyja knihi, teksty, videa i adukacyjnyja kursy. I jon budzie papaŭniacca materyjałami roznych hadoŭ i na roznyja temy.
Taksama 4 žniŭnia na płatformie Kikstarter startuje kampanija pa zapisie aŭdyjoknižki «Svaboda i Myśleńnie: ese ab hramadzianskaj supolnaści», zadumanaja šeraham hramadzianskich inicyjatyŭ, u tym liku vypusknicami(-kami) «Latučaha univiersiteta», čytačami Mackieviča, jakija chacieli b padzialicca jaho idejami ź vialikaj kolkaściu aktyŭnych ludziej Biełarusi.
Partniorami źjaŭlajucca «Nacyja lidaraŭ», «Biełarusy zamiežža», «Biełaruski moładzievy bab», «Małanka», Zubr, «Latučy ŭniviersitet», kampanija «Fiłosaf u turmie».
Uładzimir Mackievič byŭ zatrymany hod tamu, 4 žniŭnia 2021 hoda. 23 červienia 2022 hoda jamu byŭ vyniesieny prysud: 5 hadoŭ kałonii ŭzmocnienaha režymu.
Palitźniavolenaha fiłosafa abvinavacili pavodle troch artykułaŭ Kryminalnaha kodeksa:
č. 1 art. 342 KK (aktyŭny ŭdzieł u hrupavych dziejańniach, jakija hruba parušajuć hramadski paradak),
č. 1 art. 361-1 (stvareńnie ekstremisckaha farmavańnia),
č. 1 art. 368 (abraza Łukašenki).
Spravu Mackieviča razhladaŭ Siarhiej Jepichaŭ. Jon ža raniej vynosiŭ rašeńni pa spravie Maryi Kaleśnikavaj i Maksima Znaka.
Ciapier čytajuć
U Polščy aryštavali byłoha kiraŭnika biełaruskaha «Paspalitaha rušeńnia» — pahražaje 10 hod za narkotyki24
Kamientary