Aficyjna ŭ Biełarusi ciapier niama ŭzdymu zachvorvańnia na karanavirus
Zahadčyca łabaratoryi RNPC epidemijałohii i mikrabijałohii Alena Hasič raskazała ŭ efiry telekanała «Biełaruś 1», što na siońnia viadoma piać linij štamu «Amikron» z mnostvam ułaścivaściaŭ usiaredzinie.
«Ale čaćviorty, piaty — heta nie «stełs». Heta zusim novy «amikron» sa svaimi ŭłaścivaściami, kliničnaje praciakańnie takoje ž lohkaje. U pieršuju čarhu virus vyklikaje prablemy ŭ miescy ŭkaranieńnia, nie pranikaje daloka ŭsiaredzinu lohkich i praktyčna nie vyklikaje pnieŭmanii, maje bolš lohkaje ciačeńnie. Kab siabie zaścierahčy, viadoma, — heta vakcynacyja. Siońnia mnohija ŭžo pierachvareli, mnohija vakcynavalisia ŭžo dźviuma dozami.
My absalutna ŭsie viedajem, što vakcyna nie abaraniaje ad zaražeńnia, ale ŭsio ž taki praktyčna nivodnaha vypadku mienavita ciažkaha ciačeńnia siarod pryščeplenych nie było», — adznačyła jana.
Dniami ministr achovy zdaroŭja Dźmitryj Pinievič vykazaŭ mierkavańnie, što novaja chvala zachvorvańnia COVID-19 čakajecca ŭ Biełarusi ŭ vieraśni. A były hałoŭny infiekcyjanist Minska Mikita Sałaviej na padstavie vopytu svaich dziažurstvaŭ u balnicy niadaŭna śćviardžaŭ, što rost jość užo ciapier, i jon zaŭvažny.
Čytajcie taksama:
Doktar Sałaviej: Iznoŭ pajšoŭ rost zachvorvalnaści na kavid, zaścierahajciesia i pryščaplajciesia
Ciapier čytajuć
Na Dzień Voli i dzień inaŭhuracyi Łukašenki ŭ Biełarusi abmiažujuć internet8
Kamientary