«I na hetym mikrabusie jedu ja pa Biełarusi». Novy dziciačy vierš Andreja Skurko
Palitviazień-našaniviec Andrej Skurko ŭ liście da žonki Paŭliny prysłaŭ novy dziciačy vierš. Zaviecca vierš «Mikraaŭtobus», i jon užo piatnaccaty z cykłu pra mašynki.
Bieły svoj mikraaŭtobus
Nazyvaju ja «mikrobus».
I na hetym mikrabusie
Jedu ja pa Biełarusi.
U babuli tam ahrest,
I kłubnicy, i arechi,
Buh i Muchaviec tam reki.
Bačym zamki na hary
U Navahradku j Miry.
A ŭ Brasłavie i Miorach
Pakupajemsia ŭ aziorach.
La Dniapra na papłavach
My pabačym žurava.
A la samaje stalicy
Pad Zasłaŭjem jość čarnicy.
I na ŭsich šlachach-darohach
My mašyn spatkajem mnoha
Hruzavych i lehkavych —
Vo nahledžusia na ich!
A tym časam vioršy Andreja ciapier možna pračytać i na papiery. Dniami vyjšła kniha Andreja Skurko «Pra słanoŭ i barsučkoŭ». U joj 65 vieršaŭ, na kožnaj staroncy — jarkija malunki, a ŭ kancy knihi — QR-kod, pa jakim možna hladzieć hetyja ž vieršy ŭ multfilmach.
Knižka ŭ apravie (ćviordaja vokładka), na dobraj papiery. Nabyć možna samavyvazam u Minsku, a taksama z dastaŭkaj pa Biełarusi i za miažu.
Hladzicie, čytajcie, vučycie vieršy Andreja, dy abdymajcie adzin adnaho.
Biaspałaŭ kančatkova rassvaryŭsia ź Cichanoŭskim: Dla jaho dobry tolki adzin čałaviek — Prakopjeŭ50
Kamientary