«Bulbiany łožak»: novy virusny trend, jaki abiacaje najlepšy son

U TikTok nabyŭ papularnaść novy trend «bulbiany łožak» («potato bed») — sposab uładkavać svaju paściel tak, kab adčuvać siabie niby zapiečanaja ŭ folzie bulbina — całkam akružanaja miakkaściu i ciapłom. Karystalniki, jakija ŭžo aprabavali hety mietad, u zachapleńni dzielacca svaim dośviedam i kažuć, što nikoli nie spali tak dobra.

Jak piša The New York Times, pryncyp vielmi prosty i navat krychu dziciačy. Spačatku na matrac kładziecca naciažnaja praścina, ale borcikami dahary. Pa pierymietry raskładvajuć toŭstyja paduški i koŭdry, stvarajučy miakki borcik, — byccam hniazdo.

@rubyyy.eg i hope yall enjoyed this because i know i did #potatobed #bednest #tutorials #bed #comfy ♬ Be That Easy - Sade

U siaredzinu hetaha impravizavanaha «kokana» kładuć ciopłyja koŭdry, pledy i inšyja miakkija rečy. Tudy ž možna pakłaści knihu abo noŭtbuk ź filmam — kab całkam rassłabicca pierad snom.

Choć hety trend moža padacca prostaj zabavaj, jon maje navukovaje abhruntavańnie.

Pa słovach doktara Uiljama Łu, miedycynskaha dyrektara Dreem Health, «bulbiany łožak» źjaŭlajecca varyjacyjaj kancepcyi «kokaninhu» — stvareńnia biaśpiečnaha, ciopłaha hniaździečka.

Ekśpiert nie ździŭleny jaho papularnaściu, bo ŭ naš čas ludzi asabliva chočuć kamfortu, spakoju i biaśpieki. Adčuvańnie lohkaha, raŭnamiernaha cisku ad padušak i koŭdraŭ vakoł imituje efiekt norki.

Heta, u svaju čarhu, dapamahaje źnizić uzrovień harmonu stresu kartyzołu i adnačasova pavysić vypracoŭku sierataninu i aksitacynu — chimičnych rečyvaŭ, jakija vyklikajuć pačućcio rassłablenaści i sanlivaści. Kali cieła adčuvaje siabie ŭ biaśpiecy, a rozum — u spakoi, zasnuć stanovicca značna praściej.

@renihamikus Potato bed tutoriaaaal✨ .. . . #potatobed #vicces #kenyelmes #otthon #tippek ♬ original sound - Reni Hamikus

Adnak, niahledziačy na ŭsie vidavočnyja pieravahi, ekśpierty rajać zachoŭvać aściarožnaść. Doktar Łu papiaredžvaje, što praźmiernaja kolkaść koŭdraŭ moža pryvieści da pierahrevu, a dla jakasnaha snu tempieratura cieła pavinna krychu źnizicca. Zatrymanaje ciapło moža zrabić son niespakojnym.

Akramia taho, varta pamiatać i pra zdaroŭje śpiny: praźmiernaja kolkaść padušak i koŭdraŭ moža pazbavić vas naležnaj artapiedyčnaj padtrymki, što z časam pryviadzie da niapravilnaha stanovišča chrybta i bolu ŭ šyi.

Kali ranicaj vy adčuvajecie dyskamfort ci zaŭvažajecie, što vam było dušna, — heta dakładny znak, što takaja norka vam nie pasuje. Tamu lepš abmiežavacca adnoj lohkaj koŭdraj, kab asnoŭnuju padtrymku dla cieła pa-raniejšamu zabiaśpiečvali jakasny matrac i vaša zvyčajnaja paduška.

Śpiecyjalisty rajać razhladać «bulbiany łožak» nie jak pastajannaje miesca dla snu, a chutčej jak utulnaje miesca dla rełaksacyi. Jon idealna pasuje dla karotkaha dzionnaha adpačynku, rassłableńnia pierad snom abo prosta jak cudoŭny sposab sahrecca i adčuć siabie kamfortna ŭ prachałodnyja dni. Klučavaja ideja — stvaryć nie prosta miakkaje, a mienavita kamfortnaje i spakojnaje asiarodździe, jakoje dapamoža ciełu i rozumu pa-sapraŭdnamu rassłabicca i padrychtavacca da hłybokaha, zdarovaha snu.

• 0
• 0
• 0
• 0
• 0
• 0
• 0
• 0