Krainy Paŭdniova-Uschodniaj Azii mocna cierpiać ad razburalnych pavodak
Na Šry-Łancy ciapier adbyvajecca adna z samych mocnych pavodak za apošnija 30 hadoŭ. Zahinuli bolš za 120 čałaviek, mnohija ličacca źnikłymi bieź viestak.
U krainie razmytyja darohi, razburanyja damy, ratavalniki pracujuć kruhłyja sutki.
Ułady Šry-Łanki ŭžo abviaścili ekstrannyja miery, a miascovyja žychary evakuirujucca z zatoplenych rajonaŭ. Maštaby biedstva praciahvajuć raści.
Toje ž samaje adbyvajecca i ŭ inšych krainach Paŭdniova-Uschodniaj Azii. Tak, u Indaniezii na vostravie Sumatra kolkaść achviar dasiahnuła 303 čałaviek, bolš za tysiaču źnikli bieź viestak.
Bolš za ŭsio razbureńniaŭ — u pravincyjach Paŭnočnaja i Zachodniaja Sumatra, Ačech i ŭ horadzie Sibołha. Vada miescami padymałasia za ličanyja chviliny, mnohija rajony zastalisia biez elektryčnaści. Pryčynaj biedstva stali mocnyja liŭni z-za siezonnaha musonu i trapičnaha štormu.
U Tajłandzie kolkaść achviaraŭ pavodki — jak minimum 162 čałavieki, najbolš zahinułych u horadzie Chatjaj.
U Vjetnamie zahinuli jak minimum 98 čałaviek, a ekanamičnyja straty aceńvajucca nie mienš čym u paŭmiljarda dalaraŭ. Miascovyja ŭłady paviedamlajuć, što dziasiatki siemjaŭ pazbavilisia žylla i srodkaŭ da isnavańnia.
Kamientary