U sudzie Leninskaha rajona Minska 6 vieraśnia vyniesieny prysud pa kryminalnaj spravie palitźniavolenaha siabra BSDP z Barysava Ihara Lednika. Vieterana partyjnaha ruchu abvinavacili ŭ paklopie na Łukašenku (č.2 art. 367 Kryminalnaha kodeksa).
Spravu razhladała sudździa Taćciana Šocik.
Ihar Lednik byŭ zatrymany 18 krasavika 2022 hoda. Napačatku jamu prysudzili 15 sutak administracyjnaha aryštu, ale paśla ich jon na volu nie vyjšaŭ — byŭ źmieščany ŭ Śledčuju turmu № 8 u Žodzinie, nahadvaje «Viasna».
Zhodna z materyjałami spravy, Ihar Lednik z červienia pa śniežań 2020 hoda pradstaviŭ dla publikacyi ŭ adzin z časopisaŭ artykuł z zahałoŭkam «Mižnarodna pryznany niejtralitet Biełarusi — harantyja biaśpieki ŭ rehijonie ABSIE».
Nazvany materyjał apublikavany ŭ drukavanym vydańni «Pazicyja» 28 śniežnia 2020 hoda, a 7 červienia 2021 hoda raźmieščany na jaho sajcie ŭ sietcy Internet. U im ŭtrymlivalisia zahadzia iłžyvyja źviestki, jakija hańbiać i źnievažajuć honar dy hodnaść Łukašenki, złučanyja z abvinavačvańniem u asabliva ciažkich złačynstvach, u tym liku suprać biaśpieki čałaviectva.
18 lipienia 2022 h. sud Barysaŭskaha rajona pryznaŭ infarmacyjnuju pradukcyju Facebook-staronki Ihara Lednika «ekstremisckimi materyjałami».
Prakuror zapytaŭ try hady kałonii.
Mienavita taki termin i prysudziŭ Ledniku sud. Akramia taho, kanfiskacyi padlahaje kampjutar i telefon Ihara. Kanfiskavanyja pad čas vobšuku ŭ jaho kvatery asobniki časopisa «Pazicyja» padlahajuć źniščeńniu.
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ32
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary