Pieršaja ptuška amnistyi: paśla hoda z pałovaj za kratami na volu vyjšaŭ Juryj Čyž
Jak stała viadoma «Našaj Nivie», kamisija pa pamiłavańni zadavoliła chadatajnictva eks-biznesmiena Juryja Čyža ab spynieńni kryminalnaha pieraśledu. Jon znachodziŭsia za kratami z 15 sakavika 2021 hoda i ŭžo na voli.
Čyža zatrymali pa viartańni z Maskvy paŭtara hoda tamu. Da taho jon paśpieŭ pierapisać dom u Drazdach na niaviestku i tanuŭ u sudach, dzie byłyja partniory i kontrahienty patrabavali ad jaho vypłat pa daŭhach.
«Da zatrymańnia jon nasamreč byŭ u kiepskim psichałahičnym stanie i navat pierastaŭ razmaŭlać z synam, padazrajučy jaho ŭ zdradzie», — kazali «Našaj Nivie» znajomyja Čyža.
Sens kryminalnaj spravy pierahukaŭsia z raniejšaj spravaj suprać Čyža, raspačataj u 2016-m — kali jaho zatrymlivali pa padazreńni va ŭchileńni ad vypłaty padatkaŭ i zboraŭ u asabliva bujnym pamiery.
Čytajcie taksama: Zatrymany Juryj Čyž. Padrabiaznaści
Tady sprava da suda nie dajšła, bo Čyž pryznaŭ vinu i pahadziŭsia kampiensavać škodu hady napierad. Ale Čyž pa abaviazacielstvach nie płaciŭ, chacia asobnyja jašče «žyvyja» jaho biznesy prynosili hrošy.
U biznes-kołach papularnaja dumka, što nasamreč biznesmiena «kašmarać» pa pryčynie nibyta schavanaha niedzie za miažoj miljarda dalaraŭ, jaki treba viarnuć u Biełaruś.
U lubym razie, za čas za kratami Čyž prykładaŭ namahańni dla taho, kab skinuć ź siabie farmalnyja pretenzii.
U pryvatnaści, jon «zakryŭ» staruju historyju ź Japryncavym i Čukisavym, jakim pavinien byŭ hrošy.
Paśla hetaha jon pisaŭ list u hetak zvanuju «kamisiju pa pamiłavańni» i čakaŭ adkazu miesiacami.
Imavierna, pa zvarocie było pryniata pazityŭnaje rašeńnie — jak stała viadoma supracoŭnikam «Trajpła», Juryj Čyž vyjšaŭ na volu.
Čytajcie taksama:
Krynicy: Čyža kašmarać, bo ličać, što jon schavaŭ miljardy, jakija treba viarnuć u Biełaruś
Kaniec historyi pra sudovych vykanaŭcaŭ i Čyža: były aliharch pryznaŭ doŭh, a raźlik praviali pa chitraj schiemie
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary