Ad viadomaha spartoŭca daŭno nie było navin. Dniami stała viadoma, što jon dałučyŭsia da adnoj hramadskaj inicyjatyvy.
Čempijon śvietu pa tajskim boksie i kikboksinhu ŭvajšoŭ u Hramadskuju kamisiju spartoŭcaŭ dla padtrymki pałka «Pahonia».
Hetuju kamisiju biełaruskija spartoŭcy zasnavali z metaj viadzieńnia spravazdačnaści pa zbory srodkaŭ na patreby pałka.
Płanujecca, što kamisija dapamoža dobraachvotnikam u pytańniach zboru srodkaŭ i finansavańnia, budzie adkazvać za prazrystaść. Pasiadžeńni kamisii buduć prachodzić raz na tydzień. Spravazdaču płanujuć publikavać pry kancy kožnaha miesiaca.
U skład kamisii, aproč Hurkova, uvajšli lohkaatlet Andrej Kraŭčanka, handbalist Kanstancin Jakaŭleŭ, biełaruski himnast i artyst cyrka Dziu Salej Siamion Bukin.
Ad pałka «Pahonia» u kamisiju delehavany vajar-dabraachvotnik z pazyŭnym «Mars».
Połk «Pahonia» paviedamlaje, što chutka da jaho dałučacca novyja padrychtavanyja bajcy i śpiecyjalisty.
Vital Hurkoŭ prakamientavaŭ, čamu ŭvajšoŭ u kamisiju:
«Žyvučy va Ukrainie, niemahčyma nie prymać udzieł u dapamozie tym, chto baronić mirnaje žyćcio, tym bolš što dapamoha patrebnaja taksama našym biełarusam, jakija abrali hety ryzykoŭny i ciažki šlach. I my, jakija viarnulisia da mirnaha žyćcia, pavinny rabić usio dziela zabieśpiačeńnia vajskoŭcaŭ usim nieabchodnym.
Časam havorka idzie naŭprost pra bytavyja pytańni, jakija treba vyrašać vielmi chutka i apieratyŭna: ramont aŭto, abmundziravańnie i adzieńnie, paliva, nabyćcio srodkaŭ suviazi i h.d. Chłopcy majuć patrebu ŭ padtrymcy, pakamunikavaŭšy ź imi, vyrašyli zrabić mienavita takuju madel supracoŭnictva, kab našy vajary nie adčuvali siabie kinutymi sam-nasam z takoha rodu składanaściami».
Vital taksama pravodzić treniroŭki dla spartoŭcaŭ u Kijevie.
«Ja i mnohija inšyja biełarusy hatovyja abaraniać svabodu Ukrainy». Hurkoŭ zapisaŭ videazvarot z-za pahrozy vajny
«Mienavita ŭkraincy blizkija mnie pa duchu!» Baksior Vital Hurkoŭ zapisaŭsia ŭ abaroncy Kijeva
U Lepieli zatrymali palaka, jaki nibyta zdabyŭ dakumienty vučeńniaŭ «Zachad-2025»10
Kamientary