Cichanoŭskaja — dypłamatam: Pieramoha Ukrainy moža adčynić akno mahčymaściaŭ dla pieramien u Biełarusi
Demakratyčnaja lidarka Śviatłana Cichanoŭskaja praviała bryfinh dla dypłamataŭ 25 krain, paviedamlaje jaje pres-słužba. Sustreča adbyłasia ŭ češskim pasolstvie ŭ Vilni, pakolki Čechija staršyniuje ŭ Radzie JeC.
Demakratyčnaja lidarka Śviatłana Cichanoŭskaja praviała bryfinh dla dypłamataŭ 25 krain, paviedamlaje jaje pres-słužba. Sustreča adbyłasia ŭ češskim pasolstvie ŭ Vilni, bo Čechija staršyniuje ŭ Radzie JeC.
Jana vykazała padtrymku ŭkrainskamu narodu ŭ suviazi z efiektyŭnym kontrnastupam. Adznačyła, što pieramoha Ukrainy moža adčynić akno mahčymaściaŭ dla pieramien u Biełarusi.
Raskazała pra apošnija represii i zhadała spravy Marfy Rabkovaj, Ryhora Kastusiova i Alaksandra Fiaduty, Aleha Chramych, Hanny Tukavaj.
Cichanoŭskaja zaklikała dypłamataŭ nie ŭručać davierčych listoŭ Łukašenku, a nakiroŭvać u Biełaruś časovych pavieranych, jakija, jak praviła, takich listoŭ nie ŭručajuć.
Jana patłumačyła, čamu vizavyja abmiežavańni nie pavinny być usieahulnymi, što mahčymaść pieramiaščacca praź miažu dapamahaje ŭtrymlivać suviaź pamiž biełarusami ŭnutry krainy i tymi, chto vyjechaŭ. Vystupiła suprać vizavaha banu, ale padtrymała ideju zabaranić ujezd i pieramiaščeńnie supracoŭnikam uradavych struktur, siłavikam, śpiecsłužbistam i prapahandystam.
Adznačyła pryncypovuju pazicyju pa mahčymaj amnistyi 17 vieraśnia: vyzvalenyja i reabilitavanyja pavinny być usie, bieź nijakich dadatkovych umovaŭ, palityčnyja spravy zakrytyja. Nielha ŭviazvacca ŭ handal palitviaźniami.
Cichanoŭskaja raskazała pra pieršy miesiac pracy Abjadnanaha pierachodnaha kabinieta, pryznačeńnie novych pradstaŭnikoŭ, płany pašyryć płan «Pieramoha».
Taksama jana zaklikała akazać usioabdymnuju dapamohu biełaruskim dobraachvotnikam va Ukrainie.
Ciapier čytajuć
Muž Siamaški byŭ nie adzinym, chto atrymaŭ pašpart prykryćcia 13 lutaha 2018 hoda37
Kamientary