U Homieli kiroŭca skraŭ prysmakaŭ na 1280 rubloŭ. Skazaŭ, što źjeŭ
Sud Centralnaha rajona Homiela vynies prysud 40-hadovamu kiroŭcu. Mužčyna pieravoziŭ kandytarskija vyraby, ale da kram jany tak i nie dajechali.
Padrabiaznaści «Biełcy» raspaviała namieśnik prakurora Homiela Iryna Kurbackaja.
Mužčyna pracavaŭ kiroŭcam u IP. U jaho abaviazki ŭvachodziła razvozić pa handlovych punktach pradukty charčavańnia. Ale ŭ adzin z sakavickich dzion niešta pajšło nie tak.
Kiroŭca pryjechaŭ na skład kandytarskaj fabryki «Spartak», tam zahruziŭ u mašynu pradukcyju. Adnak da handlovych kropak jana nie dajechała.
Indyvidualny pradprymalnik nie daličyłasia cukierak, piečyva, vafiel, miuśli, šakaładu na sumu 1280 rubloŭ i źviarnułasia ŭ milicyju.
Śledčym mužčyna rastłumačyŭ, što prysmaki źjeŭ. U sudzie vinu pryznaŭ častkova.
Za prysvajeńnie majomaści mužčynu asudzili na paŭtara hoda «chatniaj chimii» i štraf u pamiery 40 bazavych vieličyń.
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary