«Lepš sieści ŭ turmu, čym być zabojcami abo zhnić na poli boju». Sambist Ściapan Papoŭ źviarnuŭsia da rasijskich kaleh
Biełaruski sambist Ściapan Papoŭ źviarnuŭsia da rasijskich kaleh z zaklikam nie iści vajavać suprać Ukrainy paśla taho, jak 21 vieraśnia Uładzimir Pucin abviaściŭ ab častkovaj mabilizacyi na terytoryi Rasii.
«Nu što, darahija sambisty? Vid sportu, u jakim maksimalnaja kolkaść ludziej u pahonach i ŭ vydatnaj fizičnaj formie. Ci hatovyja vy ciapier zrabić niešta bolš, čym list Pucinu z padtrymkaj vajny i inšyja zakliki? Abvieščanaja mabilizacyja, i vy ŭ pieršych šerahach pajedziecie bieź vizy va Ukrainu!
Kali vy vierycie, što tam zahinuła tolki 5937 vašych ziemlakoŭ i što tam nieanacysty, što vas chočuć zaniavolić, to tady žadaju vam užo biehčy ŭ vajenkamat. Vas pierakanaje tolki toje, što vy ŭbačycie. Ale budzie ŭžo pozna.
Astatnich chaču spytać: jak vy dumajecie, chto z sambistaŭ budzie ŭ šerahach «asablivych»? Kaho nie zakranie mabilizacyja? Moža być, čempijony śvietu ci zasłužanyja majstry sportu? A kaho pieršymi adpraviać? Maładych i niepierśpiektyŭnych abo vieteranaŭ samba?
Ale załatuju elitu, tych, chto padpisaŭ list Pucinu, chto pravodzić majstar-kłasy «Za samba», dakładna nie kranuć. Jany ž tak šmat zrabili dla Radzimy!
Ci budziecie vy rychtavacca da čempijanatu śvietu, ci zmožacie pakinuć terytoryju Rasiei — vialikaje pytańnie.
Ale paśla pramovy vašaha dyktatara mnie zrazumieła adno — što jamu ŭsio roŭna, kolki ludziej pamre ŭ hetaj vajnie. Usie jaho słovy — heta nacysckaja napampoŭka svajho naroda i pahrozy jadziernaj vajnoj. Strašnyja notki, strašnyja słovy i strašnyja zakony.
Mienavita jon vas pazbaŭlaje mnohich rečaŭ, jakija ŭ vas byli da vajny. Ciapier u vas jość mahčymaść padumać i praanalizavać usie padziei, jakija adbyvajucca ŭ vašaj krainie i za jaje miežami. I, mahčyma, zrazumieć praŭdu i realnuju situacyju ŭ vašaj krainie i vašaj armii.
Ja bačyŭ svaimi vačyma, jak i kolki ukraincaŭ abaraniajuć svaju Radzimu ad vas. Maje racyju i macniejšy toj, chto abaraniaje svoj dom!
Ciapier idzie vajna z užyvańniem sučasnaha ŭzbrajeńnia, jakoha dastatkova va ŭkraincaŭ. A stratehija vajny Rasii — heta Arda i kolkaść, jakaja idzie na zaboj. Ułada «impieratara» trymajecca tolki na padmanie i vašym strachu, i joj zastałosia niadoŭha.
Lepš skazać hučnaje «NIE vajnie», sieści ŭ turmu i chutka vyjści ź jaje hierojami, čym być zabojcami abo zhnić na poli boju jak akupant z hańbaj za padman!
Budučynia Rasiei zaležyć tolki ad vas, ad vašaj advahi i vašych dziejańniaŭ. Nie vajnie», — napisaŭ Papoŭ.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary