Piśmieńnik Saša Filipienka vystaviŭ na aŭkcyjon svaje rasijskija litaraturnyja ŭznaharody
Hrošy ad ich prodažu pojduć pravaabarončaj arhanizacyi «Maskoŭskaja Chielsinkskaja hrupa». «Upeŭnieny, siabry žury, jakija kaliści adznačyli maju pracu, siońnia (być moža, i nie ŭsie adkryta) abaviazkova padtrymajuć mianie — padtrymajcie, kali łaska, i vy!» — napisaŭ aŭtar na svajoj staroncy ŭ fejsbuku.
U Rasii Saša Filipienka atrymaŭ piać značnych uznaharod: premiju «Jasnaja Palana», «Ruskuju Premiju», premii časopisaŭ «Znamia», «Snob» i «Sabaka».
«Usie hetyja pryzy ja zaŭsiody rasceńvaŭ jak avansy, usimi hetymi Premijami daražyŭ, a tamu siońnia nadzvyčaj rady i hanarusia, što mahu vystavić statuetki na dabračynny aŭkcyjon, usie hrošy ad jakoha pojduć u dapamohu ludziam, jakija adkryta vystupajuć suprać vajny. Mahčyma, knihi nie mohuć spynić krovapralićcie, ale ich recha časam moža kamuści dapamahčy», — napisaŭ Saša Filipienka.
Taksama jon adznačyŭ, što samuju pieršuju svaju ŭznaharodu — dypłom biełaruskaha PEN-centra — pakul nie źbirajecca addavać. «Ale kali vy raptam chočacie zajmieć jaho, a ŭsie hrošy pieravieści ŭ dapamohu biełaruskim palitviaźniam — ja sastuplu», — dadaje piśmieńnik.
Paŭdzielničać u aŭkcyjonie možna 26 vieraśnia z 18.00 da 23.59.
«Vyručienije nahrad» — dabračynny aŭkcyjon, u ramkach jakoha viadomyja ludzi addajuć svaje ŭznaharody — statuetki, dypłomy i miedali, — kab atrymanyja za ich hrošy pajšli tym ludziam, jakija paciarpieli praz abvinavačvańnie ŭ raspaŭsiudžvańni «fejkaŭ» i «dyskredytacyi armii».
Čytajcie taksama:
Piśmieńnik Saša Filipienka: Zamiest chalivaraŭ paraiŭ by biełarusam prosta adja**cca adno ad adnaho
Jak žonka Sašy Filipienki dakazała maci, što ŭ Rasii nielha być za mir. «Maša kupiła bilet Łondan — Pieciarburh»
Ciapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary