Pa spravie «Biełahra» zatrymali 20 čałaviek, im šyjuć jak palityčnyja, tak i ekanamičnyja artykuły
Pres-słužba MUS nadrukavała ŭ svaim telehram-kanale pres-reliz, ź jakoha možna daviedacca novyja padrabiaznaści spravy «Biełahra», jakaja stała razhortvacca paśla taho, jak 29 vieraśnia ŭ ofis hetaj arhanizacyi pryjšoŭ HUBAZiK. Prynamsi, stała viadoma, kolki supracoŭnikaŭ zatrymali i na padstavie jakich abvinavačańniaŭ nad imi źbirajucca čynić raspravu.
Pieršapačatkova, jak śćviardžaje pres-słužba MUS, u pole zroku HUBAZiKa patrapiŭ teležurnalist Dźmitryj Siemčanka, jaki paśla zvalnieńnia z ANT uładkavaŭsia pres-sakratarom mienavita ŭ «Biełahra» — pastaŭščyka biełaruskaj sielhastechniki i zapčastak u krainy SND.
Paśla zatrymańnia Siemčanki siłaviki pryjšli ŭ samu kampaniju, dzie zatrymali ažno 20 jaje supracoŭnikaŭ. Śćviardžajecca, što padčas pieratrusu ŭ ofisie firmy, maŭlaŭ, vyjaŭlena i kanfiskavana vialikaja kolkaść nacyjanalnaj atrybutyki i simvoliki, dy «navat mebla tam była padabrana ŭ adpaviednaj kalarovaj hamie».
Kiraŭnictvu i rabotnikam «Biełahra» zakidajucca standartnyja dla bolšaści palitviaźniaŭ abvinavačańni: udzieł u pratestach 2020 hoda i ciapierašniaje «ŭzajemadziejańnie z ekstremisckimi resursami».
U dačynieńni da zatrymanych składzienyja administracyjnyja pratakoły, a taksama «zarehistravanyja materyjały pa prykmietach składaŭ złačynstvaŭ: za raspalvańnie sacyjalnaj varožaści abo varožaści; aktyŭny ŭdzieł u dziejańniach, jakija hruba parušajuć hramadski paradak; udzieł u dziejnaści ekstremisckaha farmiravańnia». Heta aznačaje, što prynamsi častcy zatrymanych pahražaje palityčny pieraśled pa kryminalnych artykułach.
Akramia taho, dyrektaru arhanizacyi źbirajucca taksama inkryminavać «daču chabaru słužbovaj asobie firmy-partniora za pieramohu ŭ tendery», a ŭ adnaho z supracoŭnikaŭ «vyjaŭlenaja marychuana».
Čytajcie taksama:
«Kabiniet hienieralnaha dyrektara navyvarat vyviernuli». Stali viadomyja padrabiaznaści pahromu ŭ «Biełahra»
Ciapier čytajuć
Dziaŭčyna z-pad Maładziečna niekalki miesiacaŭ žyła ŭ Hdańsku na vulicy. Jana raskazała pra svajo niaprostaje žyćcio3
Dziaŭčyna z-pad Maładziečna niekalki miesiacaŭ žyła ŭ Hdańsku na vulicy. Jana raskazała pra svajo niaprostaje žyćcio
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary