«Jak doma» — pad takim słohanam sioleta projdzie kinafiestyval «Paŭnočnaje źziańnie». Trejler natchniony manifiestam dyrektarki fiestyvalu Voli Čajkoŭskaj.
Fiestyval kino Paŭnočnych i Bałtyjskich krain adbudziecca z 20 pa 30 listapada. Sioleta fest čakajecca ŭ hibrydnym farmacie: biełaruskuju prahramu pakažuć offline ŭ Talinie, Ryzie i Stakholmie, a online budzie dastupnaja ŭsia prahrama biaspłatna. Kab hladzieć dobraje fiestyvalnaje kino, treba budzie tolki zarehistravacca (rehistracyja adkryjecca paźniej). Ale ŭžo ciapier vy možacie padtrymać fiestyval danatam.
«U trejlery my šukajem admietnyja dla nas pradmiety i źjavy, što nahadvajuć dom i stvarajuć dom vakoł nas samich: imbryčak, słaniečnik, łožak, zedlik, šypšyna, — razvažaje dyrektarka Vola Čajkoŭskaja. — Hetyja rečy my nosim z saboj u dumkach ci ŭ čamadanach, jak unutrany stryžań, my viartajemsia da ich, nahadvajučy sabie, chto my, adkul idziom i kudy».
U hetym hodzie nad trejleram pracavali Jula Vasilčenka (hrafičny dyzajn), Ania Pracenka (dyzajn), Dźmitryj Kałašnikaŭ (animacyja), SG (huk). Zrežysavała i spradziusavała rolik Vola Čajkoŭskaja.
Kamientary