Aleh Talerčyk apublikavaŭ zvarot pra svoj vychad z arhanizacyi, u jakoj jon pracavaŭ dva hady. Pryčyny hetaha rašeńnia Talerčyk nie tłumačyć.
«Amal dva hady tamu ja stajaŭ la vytokaŭ zaradžeńnia BYPOL — arhanizacyi byłych supracoŭnikaŭ pravaachoŭnych orhanaŭ Biełarusi, jakija zastalisia viernymi biełaruskamu narodu i razam ź im vystupili suprać złačynnaha režymu Łukašenki. Za hety čas BYPOL namahańniami jaho ŭdzielnikaŭ pieratvaryŭsia ź nievialikaha zhurtavańnia ŭ viadomuju siłu ŭ biełaruskim demakratyčna-vyzvalenčym ruchu», — raspaviadaje Talerčyk.
Pryčynaj pryniaćcia im takoha rašeńnia jon nazyvaje «peŭnyja abstaviny, ź jakimi ja nie mahu pahadzicca i jakija dla mianie vyklučajuć mahčymaść praciahu supracy ź inšymi suzasnavalnikami Bajpołu».
Taksama jon źviarnuŭsia da biełarusaŭ: «Nie hublajcie čas i nie čakajcie svajho vyzvaleńnia ad antynarodnaha akupacyjnaha režymu Łukašenki z-za miažy, arhanizujciesia i ładźcie supraciŭ hetamu režymu ŭžo zaraz — kab mieć mažlivaść dalej ludźmi zvacca!» — skazaŭ jon.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary