Siońnia ŭ Kijeŭ pryjazdžaŭ prezident afrykanskaj dziaržavy Hvinieja-Bisau Umaru Sikoku Embało. Sama dziaržava nievialikaja i nie vielmi ŭpłyvovaja, ale vizit byŭ u peŭnaj stupieni simvaličny. Na afrykanskim froncie ŭkrainskaja dypłamatyja maje kudy mienš pośpiechaŭ, čym na zachodnim, i hety prezident byŭ pieršym kiraŭnikom dziaržavy z hetaha kantynienta, jaki naviedaŭ Ukrainu paśla pačatku rasijskaj ahresii na jaje.
Paśla pieramoŭ kiraŭniki dziaržaŭ dali sumiesnuju pres-kanfierencyju, i padčas jaje vyśvietliłasia, što afrykanski hość pryjechaŭ nie prosta tak, a pryvioz u Kijeŭ «sihnały» ad Kramla, jaki «choča navieści masty» i «razbłakavać adnosiny». Tym bolš što ŭ Kijeŭ prezident Hviniei-Bisau prybyŭ paśla naviedvańnia Maskvy.
Adnak misija afrykanskaha hościa pośpiechu nie mieła, bo Zialenski prahnazavana adchiliŭ mahčymaść jakich-niebudź damoŭlenaściaŭ z kiraŭnictvam krainy, jakaja razburaje ŭkrainskija harady i vioski, zabivaje mirnych žycharoŭ, źniščaje abjekty krytyčnaj infrastruktury i zajmajecca jadziernym šantažom.
Hvinieja-Bisau — nievialičkaja kraina na zachadzie Afryki, byłaja partuhalskaja kałonija. Jaje terytoryja — 36 120 kvadratnych kiłamietraŭ (pryblizna jak naša Minskaja vobłaść), a kolkaść nasielnictva — krychu bolšaja za paŭtara miljona. Heta byłaja partuhalskaja kałonija, niezaležnaja z 1973 hoda. I adna z najbiadniejšych krain śvietu, bo adzinaje, z čaho žyvie — sielskaja haspadarka i rybałoŭstva.
Ciapier čytajuć
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?15
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2222
Kamientary