Začynilisia kramy abutku «Miehatop», spyniłasia praca sajtaŭ «Marka» i «Biełviesta»
Nie pracuje sajt bujnoj sietki abutku «Miehatop». «Iduć techničnyja pracy», — skazana ŭ abjavie. Akazałasia, što siońnia začynienyja i fizičnyja kramy sietki pa ŭsioj Biełarusi.
Naprykład, uvieś dzień začynienaja abutkovaja krama ŭ Śvietłahorsku. Tam adkazali, što rasparadžeńnie pra heta pastupiła ź Minska — supracoŭniki nie ŭ kursie, ci ŭznovicca praca zaŭtra.
Paśla hetaha žurnalist «Našaj Nivy» nie zmahła dazvanicca ŭ nivodnuju kramu Babrujska i šerah kram u Minsku.
Na haračaj linii sietki kram adkazali, što ciapier handlovyja punkty vielmi zaniepakojenyja i zaniatyja z-za pytańniaŭ rehulavańnia cenaŭ.
Na aficyjnaj staroncy va «Ukantakcie» na naša pytańnie pra toje, ci adčynienyja fizičnyja kramy «Miehatop», u kampanii adkazali:
«Na hety momant kramy začynienyja pa techničnych pryčynach. Nieŭzabavie pastarajemsia adnavić našu pracu».
Sajty nie pracujuć i ŭ inšych abutkovych kram — «Biełviesta», «Marka». Jak paznačana, praz techničnaje absłuhoŭvańnie.
U sacsietkach kampanii «Biełviest» adkazali, što kramy hetaha brendu ŭ Biełarusi siońnia pracujuć. Atrymać adkaz ad pradstaŭnikoŭ «Marka» my pakul nie zmahli.
Vierahodna, heta źviazana sa źmienami ŭ cenarehulavańni — ułady pryniali novyja pastanovy, ale nie zmahli apieratyŭna rastłumačyć, jak pracavać pa novych praviłach.
Abnoŭlena. A 21-j hadzinie kramy adčynilisia, sajt zapracavaŭ (ale z paznakaj, što mahčymaść zamoŭ praź jaho časova abmiežavanaja).
Ciapier čytajuć
Biełaruskuju movu na CT vybiraje ŭsio mienšaja dola vypusknikoŭ škoł. Kali 20 hadoŭ tamu jaje zdavała amal pałova, ciapier — tolki kožny šosty7
Kamientary
tovara javlajetsia narušienijem zakonodatielstva o torhovle i obŝiestviennom pitanii — iz včierašnich iźmienienij v pravitielstviennoje postanovlenije.