Što pahladzieć. «Alaska Dejli» (Alaska Daily) — tajamničaja historyja z łaŭreatkaj «Oskara»

«Alaska Dejli» mała padobnaja da inšych televizijnych sieryjałaŭ. Heta redki ŭ našy časy typ sieryjała, u jakim zbałansavanaja pryvabnaść da masavaj aŭdytoryi i paŭprahresiŭnaja ideałohija. Sieryjał z 48-hadovaj Chiłary Suenk, jakaja pakazvaje zachaplalnuju ihru, možna ličyć adnym z samych intryhujučych novych šou na amierykanskim telebačańni, piša thedailybeast.com.

Žurnalistka Ejlin Ficdžerald (Suenk) miesiacami šukała krynicu dla vykryćcia karumpavanaha amierykanskaha hienierała, ale ŭ niejki momant praŭdzivaść jaje krynicy padviarhajecca sumnievu. Paśla hetaha karjera Ejlin idzie pad adchon, i situacyju nie palapšaje toje, što raniej žurnalistka hruba siabie viała z małodšymi supracoŭnikami jaje haziety.

Žančyna sychodzić sa svajoj pasady i vyrašaje pieratvaryć rasśledavańnie ŭ knihu. Jaje stary kaleha Stenli prapanuje joj papracavać u miascovym štodzionnym vydańni na Alascy, ale pieršapačatkova Ejlin admaŭlajecca ad hetaj prapanovy. Paźniej, adnak, Stenli raskazvaje joj pra sieryju nieraskrytych zabojstvaŭ karennych žycharoŭ Alaski i prapanuje žančynie ich rasśledavać. Tady Ejlin nakiroŭvajecca ŭ najbujniejšy horad Alaski Ankorydž, dzie prynosić u svajo novaje vydańnie žorstkaje i ŭsioviednaje staŭleńnie da pracy.

«Alaska Dejli» zapazyčvaje farmat šmatlikich inšych paśpiachovych sieryjałaŭ nakštałt «Vieraniki Mars», u jakich novaja miascovaja prablema ŭraŭnavažvajecca kožny tydzień z bolšaj i ŭsioabdymnaj tajamnicaj. Takaja atmaśfiera nadaje sieryjału pryciahalnaści. Nam demanstrujuć, što, niahledziačy na źniešniuju pryhažość pryrody Alaski, u hetym miescy jość nie mienš ciomnych sakretaŭ, čym dzie-niebudź jašče.

Nichto nie viedaje pra hetyja sakrety bolš, čym Roz, karennaja žycharka Alaski, jakaja pracuje razam z Ejlin. Kab raskryć spravu, patrebnyja i vialikija viedy Roz pra hety štat, jakija jana atrymlivała ŭsio žyćcio, tak i šmathadovy rasśledavalnicki vopyt Ejlin. Abiedźvie žančyny zanadta tempieramientnyja, kab pryznać, što ich supracoŭnictva vyhadna ŭsim, ale ž nie majuć inšaha vybaru, akramia jak źmirycca ź im.

Sieryjał abapirajecca na cudoŭnyja piejzažy, jakija nasamreč źjaŭlajucca kanadskimi, a nie z Alaski (tak što ŭ hetym vam pradajuć chłuśniu), i na mocnych u svajoj pracy akcioraŭ. Ale stvaralniki «Alaski Dejli» razumiejuć, što kožnamu sieryjału časam patrebnaja lohkaść, i ŭ niekatorych momantach sieryjał vyhladaje sientymientalnym. Toje, jak jaho stvaralniki sprabujuć abjadnać hetuju sientymientalnaść z sacyjalnaj značnaściu, mahčyma, nie kožny raz spracoŭvaje, ale ž va ŭsiakim razie hetyja sproby začaroŭvajuć.

Moža padacca, što «Alaska Dejli» — heta ŭsiaho tolki detektyŭ pra maleńki horad, dzie Chiłary Suenk u jaje mułkim paryku advažna razhadvaje tajamnicy razam sa svaimi kalehami. Ale, zdajecca, hetaje šou maje bolš vysokija ambicyi: jano jarka, ale darečna i pryhoža raskazvaje pra važnaść žurnalistyki. Tak my atrymlivajem televizijnuju dramu, jakaja nie achviaruje sacyjalnymi pryncypami dziela papularnaści.

Rejtynhi na vialikich suśvietnych resursach:

IMDB — 7,4/10

Rotten Tomatoes — 69% (krytyki), 77% (hledačy)

Što pahladzieć. «Tehieran» — papularny špijonski sieryjał, jaki vy mahli prapuścić

«Siabar siamji» (A Friend of the Family) — samaja ŭražalnaja kryminalnaja historyja, što tolki možna siabie ŭjavić

Što pahladzieć. «Karaleva źmiej» (Queen of Serpents) — šykoŭnaja drama ab pryhožaj eposie

• 5
• 0
• 0
• 0
• 1
• 0
• 2
• 0