Piać faktaŭ pra hurt Tor Band, udzielnikaŭ jakoha zatrymali ŭ Rahačovie ź siemjami
Hurt Tor Band ihraŭ chity ab baraćbie biełarusaŭ za svabodu, a ich treki — sumieś pank-roka z alternatyŭnaj muzykaj. Jany stali sapraŭdnymi «narodnymi» artystami Biełarusi.
Tor Band — viadomy biełaruski hurt, jaki pazicyjanuje siabie ŭ słohanie «Hrajem sumlennaje muzło!».
Udzielniki — fatohraf i hukarežysior z rahačoŭskaha Doma kultury — Źmicier Hałavač i Jaŭhien Burło.
Źmitru 40 hadoŭ. Jon aŭtar piesień, vakalist. Vučyŭsia ŭ Mahilovie, a paśla źjechaŭ u Maskvu. Tam jon pražyŭ 12 hadoŭ i viarnuŭsia ŭ Rahačoŭ.
Jaŭhienu 32 hady, jon barabanščyk. Mužčyna hraŭ u hurcie i praciahvaŭ pracavać u rahačoŭskim Domie kultury.
U hurcie taksama hraŭ bas-hitaryst Pavieł Dziemianciej. A pres-sakratarkaj Tor Band była žonka Źmitra Hałavača Julija.
U 2020-m ich pieśnia «My nie narodziec!» stała chitom. Klip sabraŭ miljon prahladaŭ na YouTube. Stolki ž nabrali pieśni «Žyvie», «Kto, jeśli nie ty?!»
Aŭtarytetny muzyčny krytyk Arciom Troicki nazyvaŭ pieśni Tor Band samaj jaskravaj źjavaj u biełaruskaj muzycy 2020-ha.
«Ja prynios pieśniu ŭ krasaviku — tady jašče nie było nijakich pratestaŭ, nikoha nie zakryvali, usio było dobra i roŭna, — kazaŭ Źmicier u intervju Onliner u 2020-m. — Pa sutnaści, my nie mahli płanavać takuju reakcyju, tamu što pieśnia pieršapačatkova nie płanavałasia jak pratestavaja. Ludzi nam pišuć: «Kłasny pratestavy trek!» Ale jon patryjatyčny, a nie pratestavy. Heta pieśnia pra toje, što nasamreč dumajuć pra siabie ludzi. Frazy pra «narod» vyklikali abureńnie i ŭ mianie, i ŭ vielizarnaj kolkaści ludziej. Heta vielmi mocna ŭdaryła pa samalubstvie biełaruskaha naroda».
Siońnia stała viadoma, što ŭdzielnikaŭ hurta Tor Band zatrymali 28 kastryčnika ŭ Rahačovie razam z žonkami muzykaŭ. Pavodle papiaredniaj infarmacyi, zatrymanyja znachodziacca ŭ žłobinskim IČU — im pryznačyli pa 15 sutak aryštu.
U Biełarusi praciahvajucca masavyja represii, jakich nivodnaja kraina Jeŭropy nie bačyła za apošnija 50 hadoŭ. Kiraŭnictva Śledčaha kamiteta paviedamlała pra 11 tysiač kryminalnych spraŭ pa «ekstremisckich artykułach» — heta łukašenkaŭski eŭfiemizm dla palityčnych spraŭ. Heta aznačaje, što ich fihurantami stali dziasiatki tysiač ludziej.
Jašče dziasiatki tysiač ludziej prajšli praz zatrymańni, byli zvolnienyja z pracy. Mnohija byli vymušanyja pakinuć krainu.
Čytajcie taksama:
Vypuścili dyrektara «Susiedziaŭ» i inšych zatrymanych top-mieniedžaraŭ handlovaj sietki
Muzyku Uładzisłava Pluščava znoŭ buduć sudzić
Pieršyja biełaruskija «jutubiery». Što ź imi ciapier?
Amierykancy dabilisia vyzvaleńnia Juryja Ziankoviča. Jon byŭ prysudžany da 11 hadoŭ źniavoleńnia18
Kamientary