«Heta było vielmi strašna». Źjavilisia padrabiaznaści abłavy ŭ minskaj art-prastory Hide
Unačy z 5 na 6 listapada siłaviki pryjšli na viečarynku minskaj art-prastory Hide i zatrymali adnaho z haściej, raspaviali «Miedyjazonie» supracoŭniki placoŭki. Ciapier stanoviacca viadomymi padrabiaznaści zdareńnia.
Pa słovach adnaho ź vidavočcaŭ, uzbrojenyja siłaviki ŭvarvalisia na viečarynku kala troch hadzin nočy i zahadali prysutnym lehčy tvaram u padłohu.
«Bolš za ŭsio ja ašaleŭ ad taho, što jany ŭsie byli sa zbrojaj. Voś heta było vielmi strašna. Chto nie kłaŭsia, taho pi*dzili. U majho znajomaha kala nosa i na baradzie parez. Chto padnimaŭ hałavu, ich adrazu apuskali. Kahości nahoj, kahości pa rebrach mahli łamanuć. Staŭleńnie było maksimalna žudasnaje», — raspavioŭ jon «Miedyjazonie».
Naviedvalnikaŭ i supracoŭnikaŭ Hide, jakija lažali na padłozie, abniuchaŭ milicejski sabaka, raspavioŭ vidavočca.
«Chadziŭ čuvak ź vialikim pakietam, u im niešta biełaje jak u kapsułach było. Amal adrazu, jak sabaka minaŭ, ludziej pačynali ahladać. Ahlad adzieńnia, telefona, zachodzili ŭ telehram, u fota. Byli dziaŭčaty, jakija vielmi žorstka harłapanili i sprabavali adstojvać svaje pravy», — uspaminaje jon.
Kamientary