Ministr abarony Ukrainy sprahnazavaŭ, kolki času rasijskija vojski buduć pakidać Chierson
Ministr abarony Ukrainy Alaksiej Reźnikaŭ miarkuje, što vyvad vojsk z pravaha bieraha Dniapra, u tym liku z Chiersona, zojmie ŭ Rasii nie mienš za tydzień. Pra heta jon paviedamiŭ u čaćvier viečaram u intervju ahienctvu Reuters.
Sa słoŭ Reźnikava, u Chiersonskaj vobłaści — 40 tysiač rasijskich sałdat, i značnaja častka ź ich, jak śćviardžaje ŭkrainski ministr, znachodzicca ŭ Chiersonie i vakoł jaho na pravym bierazie.
«Heta składana — vyvieści hetyja vojski z Chiersona za paru dzion. Tydzień minimum», — skazaŭ Reźnikaŭ, dadaŭšy, što pradkazvać dziejańni rasijan nie biarecca.
Ekśpierty Amierykanskaha instytuta vyvučeńnia vajny (ISW) taksama ličać, što «rasijskaje adstupleńnie zojmie jašče niekatory čas, i pa ŭsioj Chiersonskaj vobłaści buduć praciahvacca bai».
Va ŭkrainskim apieratyŭnym kamandavańni «Poŭdzień», u zonie adkaznaści jakoha znachodzicca Chiersonskaja vobłaść, paviedamili ŭ noč na 11 listapada, što Rasija praciahvaje pieramiaščać vajskoŭcaŭ i techniku pamiž dvuma bierahami Dniapra, buduje rubiažy abarony na levym bierazie i abstrelvaje pazicyi ŭkrainskich vajskoŭcaŭ na pravym.
USU padčas aktyŭnych apieracyj vielmi skupa raspaviadajuć ab tym, što adbyvajecca. Adzinym ukazańniem na nastupalnuju apieracyju ŭkrainskich vajskoŭcaŭ u Chiersonskaj vobłaści možna ličyć paviedamleńnie ab tym, što «siły abarony praciahvajuć prasoŭvańnie linii frontu bližej da levaha bieraha», a rasijskija vojski «ekstranna pakujucca ŭ płaŭsrodki, prydatnyja dla pierapravy, i sprabujuć vyratavacca ŭciokami».
Uviečary 10 listapada prezident Ukrainy Uładzimir Zialenski paviedamiŭ, što na poŭdni Ukrainy vyzvaleny 41 nasieleny punkt. Za jaki čas ich vyzvalili, Zialenski nie ŭdakładniŭ.
Ciapier čytajuć
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma5
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary