Kolkaść palitviaźniaŭ u Biełarusi ŭpieršyniu za čatyry hady źniziłasia da 897 čałaviek
Paśla apošnich chvalaŭ pamiłavańniaŭ kolkaść aficyjna pryznanych palityčnych źniavolenych u Biełarusi ŭpała nižej za adznaku ŭ 900 čałaviek — takoha pakazčyka nie fiksavałasia ŭžo bolš za čatyry hady.
Niahledziačy na vyzvaleńni, pravaabarončaja supolnaść kanstatuje, što represii ŭ krainie nie spyniajucca. Tolki za apošni tydzień stała viadoma pra novyja masavyja zatrymańni viernikaŭ i śviataroŭ, a taksama pra surovyja prysudy vaśmi žančynam pa spravie «dvarovych čataŭ».
«U bližejšyja dni buduć pryniatyja novyja zajavy pa palitviaźniach, tamu biez spynieńnia represij ličba palitźniavolenych, na žal, budzie tolki pavialičvacca», — pišuć pravaabaroncy.
Pravaabaroncy źviartajucca z zaklikam paviedamlać pra fakty pieraśledu svajakoŭ, pra jakija jašče nieviadoma šyrokaj hramadskaści. Heta nieabchodna dla dakładnaj fiksacyi maštabaŭ represij i akazańnia padtrymki tym, chto zastajecca za kratami.
Pravaabaroncy adznačajuć, što ŭsie 250 čałaviek, jakija vyjšli na volu na hetym tydni, raniej byli ŭklučany ŭ śpisy pieraśledavanych pa palityčnych matyvach.
Ciapier čytajuć
Pobač z Łukašenkam na chakiei źjaviłasia novaja pryhažunia1
Kamientary
Ale jany taksama represavanyja, niezakonna asudžanyja.
Adziny ličylnik palitźniavolenych nie źjaŭlajecca pakazčykam mocnaści represij.
Kali ŭ niejki momant zdarycca, što datarhujucca, što jon stanie 0 - heta budzie značyć, što ŭsio, niama represij, usio dobra? Nie.
Karnaja sistema adaptujecca, treba kab i našyja pravaabaroncy i palityki ŭ emihracyi adaptavalisia.
Pastajanna kazać nie tolki pra ličbu palitźniavolenych, a i pra inšych represavanych.