2005-ty kinahod zapomnicca «Kinh-Konham», «9-j rotaj» i «Koleram kachańnia». Piša Andrej Rasinski.
Raspačaty III epizodam «Zorkavych vojnaŭ» hod zavieršyŭsia anarchisckim buntam «Kinh Konha». Małpa pryniesła tryjumf chulihanu Piteru Džeksanu. Novazelandzki samarodak, jaki pačynaŭ z trešu, paśla «Ŭładara piarścionkaŭ» tryvała zaniaŭ halivudzkuju kinaviaršyniu.
Inšyja režysery taksama «vypisali» imperyjam. «Braty Hrym» Hilijama pataptalisia pa «stabilnaści i paradku», a paetyčnaje anime «Chadziačy zamak» Mijadzaki praciaty antyvajennym ducham. U niedaacenienaj «Vajnie suśvietaŭ» Śpiłberha tryjumfujuć hodnaść asoby j siamiejnyja kaštoŭnaści. I tolki «Horad hrachoŭ» Roberta Radryhiesa, stylovy j čorny, zachłynajecca indyvidualizmam, tryź- nić kašmarami komiksaŭ i šakuje śmierciu.
Minuły hod byŭ admietny taksama viartańniem Džordža A.Ramera da kultavaj zombi-sahi. «Ziamla miortvych» zdymałasia pad dacham studyi «Juniversał», što śviedčyć pra transfarmacyju peryferyjnaj raniej temy ŭ mejnstrym.
U rasiejskaje kino viarnuŭsia imperski duch. A kali ŭličyć, što imperyja skanała 15 hadoŭ tamu, sami razumiejecie, čym hety duch śmiardzić. «Stacki savietnik» — sapraŭdy źmiarćviełaja karcina, hieroi jakoj dziejničajuć pa kanonach filmu žachaŭ. «9 rota» — imperskaja mitatvorčaść. Navat taki ŭnikalny žanr, jak dakumentalnaja fikcyja («Pieršyja na Miesiacy» Alaksieja Fiadorčanki) prasiaknuty tuhoj pa stalovaj eposie.
Kali rasiejcy mroili svaju byłuju vielič, to eŭrapiejcy raźbiralisia z kalanijalnym minułym. Strachi francuzaŭ abyhrany ŭ kamercyjnaj «Imperyi vaŭkoŭ», u jakoj zły palicyjant źniščaje tureckich terarystaŭ. Blizkuju temu ŭźnimaje i absalutna niekamercyjny aŭstryjec Michael Chanekie. Svaimi statyčnymi 15-chvilinnymi kadrami jon daśleduje ŭ «Stojenym» kalanijalnuju vinu i son postkalanilnaha sumleńnia.
Postkalanijalny ŭ svaim duchu i najlepšy biełaruski film minułaha hodu — stužka Alaksandra Kananoviča «Koler kachańnia». Vadevilnaja lohkaść karotkaj stužki składajecca z prykołaŭ našaj stalicy, šmatmoŭja, śpievu Volskaha, kalarovaha Piatra Jurčankova-małodšaha, latučaj karovy i h.d. Usio razam heta śvieža i ŭ kantekście.
Ahulnaja ž kolkaść biełaruskaja kinapradukcyi zastajecca mizernaj. Letaś u Biełarusi było stvorana ŭsiaho 2 poŭnafarmatnyja filmy.
-
Maksim Znak apublikavaŭ svaje muzyčnyja zapisy na stryminhach
-
Kali ŭ 1979‑m «Kałasy pad siarpom tvaim» vyjšli pa-rusku nakładam 100 tysiač asobnikaŭ, imi handlavali minskija taksisty. Nastolki papularny byŭ Karatkievič
-
Pryckieraŭskaja premija 2026 hoda dastałasia čylijcu, jaki stvaraje miražy. Jaho estetyka krochkaści pieramahła manumientalny pafas
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?18
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci33
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci3
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary