Pravaabaroncu Nastu Łojku znoŭ aryštavali na 15 sutak. Jaje katavali
Učora Łojka nie vyjšła na volu paśla 15-sutačnaha aryštu, bo była pierazatrymanaja pa novym artykule. Siońnia jaje spravu pa art. 19.1 KaAP (drobnaje chulihanstva) razhledzieli ŭ sudzie Pieršamajskaha rajona Minska. Vynikam staŭ čarhovy aryšt terminam na 15 sutak.
«Na sudzie Nasta zajaviła, što padčas aryštu jaje dvojčy vadzili na hutarki z supracoŭnikami HUBAZiKa, dzie adzin raz jaje ŭdaryli elektrašokieram, a 11 listapada adzin z supracoŭnikaŭ CIP vyvieŭ jaje va ŭnutrany dvor i pakinuŭ biez vopratki na 8 hadzin. Nasta mocna zachvareła.
Za ŭvieś hety čas na Akreścina atrymałasia pieradać lakarstvy, adnak jość infarmacyja, što jany tak i nie dajšli da Nasty. Jana pa-raniejšamu znachodzicca ŭ źniavoleńni bieź ciopłych rečaŭ i srodkaŭ asabistaj hihijeny», — paviedamlaje telehram-kanał @humanconstanta.
Nahadajem, Nastu zatrymali 28 kastryčnika i paźniej asudzili na 15 sutak aryštu za «drobnaje chulihanstva» (art. 19.1 KaAP).
Kamientary