Kamanda zasłužyła pa spartyŭnym pryncypie hulać u vyšejšaj lizie, ale nie zmoža
Futbolnaja kamanda «BK Maksłajn» z Rahačova sioleta zdabyła prava hulać u nastupnym hodzie ŭ vyšejšaj lizie ajčynnaha futboła, ale zrabić hetaha nie zmoža, bo nie adpaviadaje patrabavańniam ABFF.
Vykanaŭčy kamitet ABFF na siońniašnim pasiadžeńni razhledzieŭ chadajnictva futbolnaha kłuba «BK Maksłajn» ab tym, kab dla jaho zrabili vyklučeńnie pa vykanańni patrabavańniaŭ artykuła 12 Rehłamientu ABFF pa licenzavańni i kantroli dziejnaści kłubaŭ.
Zhodna z patrabavańniami artykuła 12 hetaha Rehłamientu, suiskalnikam licenzii ABFF «Vyšejšaja liha» moža być tolki futbolny kłub, jaki źjaŭlajecca členam ABFF nie mienš za dva hady zapar. A kłub «BK Maksłajn» ustupiŭ u členy ABFF tolki ŭ sakaviku 2022-ha.
Paśla abmierkavańnia pytańnia členy vykanaŭčaha kamiteta ABFF pryniali rašeńnie ŭ zadavalnieńni chadajnictva admović. Takim čynam, rahačoŭski kłub, jaki adpaviadaje praviłam vyšejšaj lihi pavodle spartyŭnaha pryncypu, nie ŭpisaŭsia ŭ ich pavodle biurakratyčnaha.
«Maksłajn» vyjhraŭ prava vystupać u vyšejšaj lizie ŭ dziaržynskaha «Arsienała», apiaredziŭšy jaho pa sumie vynikaŭ sieryi z dvuch pierachodnych matčaŭ.
Čytajcie taksama:
U vyšejšuju futbolnuju lihu prabiłasia kamanda z Rahačova z nazvaj jak u bukmiekierskaj kantory
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary