Eks-kuratar rasijskaha VPK Dźmitryj Rahozin «vajuje suprać NATA» ŭ nataŭskaj ekipiroŭcy. Jahonaje adzieńnie i bojekamplekt, pa padlikach kanała «Možiem objaśniť», kaštuje kala miljona rubloŭ (kala 16 tysiač dalaraŭ).
Pieršymi na niepatryjatyčnaje abmundziravańnie «kiraŭnika hrupy daradcaŭ u zonie SVA» źviarnuli ŭvahu ŭ svaich kanałach aburanyja vajenkary, a «Možiem objaśniť» razabrali hety kiejs padrabiazna.
Apranuty były kiraŭnik «Raskosmasa» ŭ aŭstryjskuju kurtku Carinthia (da mabilizacyi kaštavała da 80 tys. rub.). Taksama jon nosić tureckuju broniekamizelku firmy BIKATEX. Vajenkary ździŭlajucca, čamu mienavita jaje, a nie ajčynny kamplekt «Ratnik», jaki sam chvaliŭ i patrabavaŭ pastavić na ŭzbrajeńnie jašče ŭ 2013-m.
U kamizelcy — ražki dla niamieckaha pistaleta-kulamiota MP-5 (u «Matrycy» jaho vykarystoŭvaŭ Niea ŭ pierastrełcy sa śpiecnazam) i mahaziny da amierykanskaha aŭtamata FN SCAR-H, zbroi rejndžaraŭ. Ceny stvałoŭ — ad 350 tys.
Rahozin taksama paziruje z madyfikacyjaj amierykanskaj šturmavoj vintoŭki AR-15 i pistaletam, padobnym na Glock-18.
Navat čaraviki ŭ Rahozina — słavackija (Zephire, ad 25 tys.).
A z rasijskaha u Rahozina tolki šlem ad «Armakoma» (cana ad 120 tys.).
Ciapier čytajuć
Pamiłavanyja 15 čałaviek, siarod jakich 13 palitviaźniaŭ4
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary