Kava — adzin z samych papularnych napojaŭ u śviecie, jaki i stymuluje, i moža akazvać dobry ŭpłyŭ na zdaroŭje. Ale ž nie zaŭsiody kava prynosić karyść. Tłumačym, jak kavu lepš nie pić.
U pieršuju čarhu kava — heta krynica kafieinu, rečyva-stymulatara. Akramia hetaha, jana moža mieć abiazbolvajučy i supraćastmatyčny efiekt. Kafiein razam z teafilinam i teabraminam stanoŭča ŭpłyvaje na centralnuju niervovuju sistemu i stymuluje mazhavuju dziejnaść. Taksama cudoŭny napoj źnižaje ryzyku raźvićcia chvarob Alchiejmiera i Parkinsana.
Siarod karysnych rečyvaŭ, što jość u kavie, nazyvajuć taksama antyaksidanty, jakija abaraniajuć arhanizm ad volnych radykałaŭ i dapamahajuć vyvodzić taksiny. Dziakujučy hetamu kava moža paskarać mietabalizm, što važna dla ludziej, jakija chočuć schudnieć.
Ale nie ŭsia kava karysnaja, i niekatoryja zvyčki kavamanaŭ mohuć nieści škodu zdaroŭju.
Pierš za ŭsio, kali vy pjacie kavu z cukram i sałodkim, nie pierabirajcie ź imi. Kali jeści šmat cukru, paskarajecca praces stareńnia, a taksama pavyšajecca ryzyka chvarobaŭ nakštałt dyjabietu 2 typu ci atłuścieńnia.
Taksama dyjetołahi rajać admovicca ad padsałodžvalnikaŭ (aspartamu ci sukrałozy), što ŭpłyvajuć na ŭzrovień insulinu. Kali dadavać takija rečy ŭ kavu, heta moža ŭzmacnić imknieńnie da sałodkaha. Dyj nichto da kanca nie viedaje, ci biaśpiečny dla zdaroŭja aspartam, nakont jaho ŭ navukoŭcaŭ jość šmat sumnievaŭ.
Jašče adna škodnaja zvyčka — zamianiać śniadanak kubačkam kavy. Admova ad śniadanku pavialičvaje ryzyku raźvićcia jazvavaj chvaroby ci sindromu razdražnionaha kišečnika.
Šmat chto sprabuje spatolić smahu kavaj, i heta taksama nie najlepšaje rašeńnie. Taki padychod moža pryvieści da abiazvodžvańnia, i praz heta — da prablem sa skuraj, źnižeńnia enierhii ci zapavolenaha zasvajeńnia karysnych rečyvaŭ. Voś čamu varta nie zabyvać i pra pićcio vady — aryjentujciesia jak minimum na 1—1,5 litra čystaj vady štodzień.
Čytajcie taksama:
Jak zavarvać zialonuju harbatu? Voś što važna ŭličvać
Kafiein robić čałavieka bolš schilnym da trat. Voś jak heta pracuje
Čatyry sposaby zrabić svaju kavu bolš karysnaj
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ9
Kamientary