Darja Šmanaj pryjechała na pachavańnie Makieja z sumkaj ad «Iŭ Sen Łaran»
Darja Šmanaj, byłaja pamočnica Łukašenki, pracuje daradcaj-pasłańnicaj pasolstva Biełarusi ŭ Rasii. Na pachavańnie Makieja jana prybyła razam z pasłom Biełarusi ŭ RF Dźmitryjem Krutym. Pry sabie dziaŭčyna mieła sumačku luksavaha brenda.
Yves Saint Laurent — paryžski dom vysokaj mody. Jaho inicyjały bačnyja na čornaj sumcy, ź jakoj pryjšła Darja Šmanaj.
Kali heta aryhinał, to takija sumki brenda (prykładna takoha ž dyzajnu i pamieru) kaštujuć ad 2400 da 3200 dalaraŭ.
U ŚMI Šmanaj nazyvali «kultavaj pamočnicaj» Łukašenki minułaha dziesiacihodździa, jana była adzin čas načalnicaj adździeła dziaržaŭnaha pratakoła pry Łukašenku. Byŭ vypadak, kali Šmanaj ździmała pylinki sa stała Łukašenki pierad samitam u Astanie. A sam jon u hutarcy z Ksienijaj Sabčak charaktarazavaŭ jaje jak «vyšie kryši».
U 2019 hodzie Šmanaj nabyła sabie apartamienty ŭ «Alimpik Parku» — elitnym žyłym kompleksie na vulicy Ratamskaj ź vidam na zakaźnik «Lebiadziny». Ich košt — kala 150 tysiač dalaraŭ.
Taksama Šmanaj viadomaja siabroŭstvam z pres-sakratarkaj Łukašenki Natallaj Ejsmant i jaho favarytam Dźmitryjem Baskavym. Ich razam bačyli padčas nabiehaŭ na minskija pratestavyja dvary ŭ 2020 hodzie.
Čytajcie taksama:
Chto z vysokich čynoŭnikaŭ i multymiljanieraŭ pryjšoŭ na raźvitańnie z Makiejem FOTY
Pres-sakratarka Minarchitektury chodzić u Chanel, Burberry, Yves Saint Laurent — aryhinał ci padrobka?
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud25
Kamientary