Leps zładziŭ bojku na vulicy ŭ Sankt-Pieciarburhu. Paciarpieły dabiŭsia kryminalnaj spravy
Rasiejski śpiavak i zaŭziaty prychilnik rasijskaj ahresii va Ukrainie Hryhoryj Leps zładziŭ bojku kala bara ŭ Sankt-Pieciarburhu. Pa fakcie incydentu zaviedziena kryminalnaja sprava.
Kanflikt zdaryŭsia paśla kancertu ŭ Ladovym, dzie jon psichanuŭ, špurnuŭ mikrafon na padłohu i syšoŭ sa sceny. Paśla hetaha muzyka pajechaŭ u bar. Tam jon sčapiŭsia z adnym z naviedvalnikaŭ — 39-hadovym Dźmitryjem.
Advakat paciarpiełaha raspavioŭ, z čaho pačaŭsia kanflikt. Pavodle jaho słoŭ, «ofisny klerk» Dźmitryj spakojna adpačyvaŭ, hulaŭ u nardy i rabiŭ svaje nievialikija staŭki — pakul nie pryjšoŭ artyst i nie zachacieŭ «zhulać pa-bujnomu». U «prostaha čałavieka», jak zapeŭnivaje pradstaŭnik paciarpiełaha, nie było takich hrošaj, i jon paprasiŭ dać jamu dahulać spakojna, ale aburany Leps nibyta źniaŭ svaje akulary i pajšoŭ u ataku.
Mužčyny vyjšli na vulicu razam ź siekjuryci artysta. Tam Leps praciahnuŭ vieści siabie ahresiŭna. Miarkujučy pa apublikavanym roliku, śpiavak, skačučy za śpinami achoŭnikaŭ, vykazvaŭ abrazy ŭ adras druhoha ŭdzielnika kanfliktu. Zatym achoŭnik Lepsa niečakana ŭdaryŭ Dźmitryja kułakom u tvar. Paśla taho jak mužčyna ŭpaŭ na tratuar, da jaho padbieh Leps i ŭdaryŭ nahoj, a potym rukoj.
U vyniku Dźmitryj źviarnuŭsia ŭ balnicu. U mužčyny dyjahnastavali pierałom nosa i udar kalennaha sustava.
Shot paviedamlaje, što pa fakcie bojki Ryhora Lepsa ŭzbudžanaja kryminalnaja sprava za naŭmysnaje pryčynieńnie lohkaj škody zdaroŭju z chulihanskich pamknieńniaŭ.
Siońnia stała viadoma, što kryminalnaja sprava zaviedziena pa artykule 115 UK RF (Naŭmysnaje pryčynieńnie lohkaj škody zdaroŭju, jakoje vyklikała karotkačasovaje rasstrojstva zdaroŭja abo niaznačnuju ŭstojlivuju stratu ahulnaj pracazdolnaści).
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»27
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary